Olar mas kúıinde kólik aıdaǵan, qujatsyz júrgen júrgizýshilerdi jazalamaǵan. Kerisinshe qaltalarynyń qamyn oılapty.
Bul týraly Ktk arnasy habarlaıdy.
Aqtóbelik tártip saqshylary arasynda jemqorlyq tyıylmaı tur. Sondyqtan ishki ister departamenti basshylarynyń ózi prosesti tártip saqshylarynyń ortasynda ótkizýdi ótinipti. Úkim keser kezde kóshede júrgen jol saqshylarynyń bárin osynda jınaldy. Kózderinshe aqsha kórse mindetin umytatyn áriptesteriniń aldy úsh jylǵa sottaldy. Degenmen, sýdıa kóshpeli otyrys uıymdastyrýdy ótingen shendilerge de eskertý jasady. Óıtkeni, jol saqshylarynyń jumys kezinde júrip-turǵanyn kúni boıy túsirýge tıis beıne tirkeýishteri shań basyp tur eken. Ony múldem taqpaıdy. Baqylaý bolmaǵan soń polıseıler bilgenin isteıdi. Osyǵan qatysty sýdıa qosymsha qaýly qabyldady.
