Saýd Arabıasynda terrorlyq áreket jasamaq boldy dep aıyptalǵan qazaqstandyq bes stýdent elge qaıtaryldy,- dep habarlaıdy "Astana" arnasy.

Taǵy bir otandasymyzǵa qatysty tergeý amaldary júrip jatyr. Bul týraly Koróldiktegi Qazaqstannyń tótenshe jáne ókiletti elshisi Baqyt Batyrshaev aıtyp berdi. Elshiniń sózinshe, Saýd Arabıasynda qazaqstandyq 95 stýdent bilim alyp júr. Olardyń 60-qa jýyǵy Medına qalasyndaǵy ıslam ýnıversıtetinde oqıdy.

"Bul ýnıversıtetke búkil álemnen túrli adamdar, túrli kózqarastarymen keledi. Sondyqtan basqa aǵymǵa ketip qalý qaýpi bar dep aıta alamyn. Onyń keı nyshandaryn biz baıqap ta otyrmyz. Bizde stýdenttermen jumys óte qatań baqylaýda. Árdaıym olarmen baılanystamyz. Qaı baǵytta qandaı ıdeologıa boıynsha bilim alyp jatqandaryn qarap otyramyz", - deıdi Saýd Arabıasy Koróldigindegi tótenshe jáne ókiletti elshisi Baqyt Batyrshaev.