Memleket basshysy Qazaqstan halqynyń jáne jeke óziniń atynan D.Trampty quttyqtap, bıyl elderimiz arasynda dıplomatıalyq qarym-qatynas ornaǵanyna 25 jyl tolatynyn atap ótti.
Bul týraly Qamshy portaly Aqorda baspasóz qyzmetine silteme jasap habarlaıdy.
«Sizdiń basshylyǵyńyzben Amerıka Qurama Shtattary dúnıe júzinde turaqtylyqty, qaýipsizdikti saqtaý jáne ósip-órkendeý jolynda tirek bolyp qala beretinine senimdimin», – delingen jedelhatta.
Elbasy Qazaqstannyń 2017-2018 jyldarda BUU Qaýipsizdik keńesine turaqty emes múshe bolýy áriptestigimizdiń mańyzdy kezeńine aınalatynyna senim bildirdi.
«Biz Keńes jumysyna eleýli úles qosyp, AQSH-pen barlyq ózekti máseleler boıynsha ózara tıimdi is-qımyl jasaýǵa ázirmiz», – delingen jedelhatta.
Sońynda Nursultan Nazarbaev Donald Trampqa tabys tilep, ony Qazaqstanǵa saparmen kelýge shaqyrdy.
