Qazaqstandyq Gennadıı Golovkınnyń bapkeri Abel Sanches GGG-diń kelesi jylǵy josparlary týraly aıtty, dep habarlaıdy «Qamshy» portaly Tengirnews.kz-ke silteme jasap.

"Gennadıı 2017 jyldyń alǵashqy toqsanynda-aq birinshi jekpe-jegin ótkizedi degen úmittemin. Biz jekpe-jekti Qazaqstanda ótkizemiz dep oılaımyn, EKSPO qarsańynda, maýsym aıynda, sosyn ol qyrkúıekte kezdesý ótkizedi. Bári jaqsy ótse ol tórt jekpe-jek ótkizip, bıylǵy jyly ótpeı qalǵan jekpe-jektiń ornyn toltyrady. Jankúıerleri ony kórgisi keledi dep oılaımyn. Bizde ony kórgimiz keledi. Ol eseıdi. Onyń qarsylastary kim bolatynyn bilmeımin, biz bul máselemen 2017 jyldyń alǵashqy shıreginde aınalysamyz. Qarsylasy Djeıkobs bolady degen úmittemin, sosyn biz ary qaraı jyljımyz. Bıllı Djo Sonders bar. Ol "Kanelomen" mindetti túrde jekpe-jek ótkizýi kerek. Eger bul jekpe-jek ótip, "Kanelo" jeńetin bolsa, Alvares pen Golovkın kezdesýi tartymdyraq bola túsedi", - dep málimdegen Genanyń bapkeri.