Avstralıalyq Robert Hog (Robert Hoge) jaryq dúnıege kelgende, anasy balasyna ózin kúshtep qaratqan. Bir apta boıy áıel balasynan bas tartyp, ony emhanada qaldyrady. «Onyń túri sondaı jaman» — dep kóz jasyn tógip, ápkesine shaǵym aıtatyn. Osylaı ol sábıin almastan, qutylýǵa asyǵady. Tipti, balasynyń dúnıege kelmeı-aq ólip qalǵanyn tilegen...
Roberttiń dúnıe esigin ashqanda betinde úlken isigi, damymaǵan aıaqtary jáne basqa da defektileri bar boldy. Sodan beri 44 jyl ótti. Bir kezderi ólim tilegen ananyń balasyna degen mahabbaty osyndaı bolaryn kim bilgen?! Balasy úshin ol shabyt berýshi kúshtiń biri boldy.
Anasy bir aı boıy Robertten bas tartqan. Biraq, barlyq otbasy múshesi aqyldasa kelip, besinshi balalary Robertti ózderine alýǵa sheshim qabyldaǵandaryn áıelge aıtady. Jyldar ótedi, bala da ósedi. Suryqsyz sábıine kózi úırengen ana ýaqyt óte kele oǵan úırenip, baýyr basyp ketedi.
Bul oqıǵa plasıkalyq hırýrgıa damymaı turǵanda bolǵan jáne otbasynyń barsha múshesi Robert túri úshin talaı adamdardyń kúlkisine aınalatynyn túsinetin.
Baýyrlary ózderiniń kishkentaı Robertterin qorǵashtap, eshkimniń ony renjitpeýin qadaǵalaıtyn. Olar óz múmkindikteri qalaı paıda boldy, sol mezette-aq balanyń betindegi isigin alyp tastaıtyn hırýrg tabady. Dárigerler onyń murnyn tolyqtaı alyp tastap, qaıta qalpyna keltirý úshin Roberttiń aıaǵynyń bas barmaǵyndaǵy shemirshek tinderin qoldanýǵa májbúr bolady.
Eki aıaǵynyń da damymaı qalýy Roberttiń týmysynan bar defektisi jáne ony túzeýge dárigerler qaýqarsyz bolady. Aqyrynda otbasy balanyń eki aıaǵyna da ampýtasıa jasap, protez kıgizedi.
Bir kúni Robert anasynyń óz oılaryn jazǵan kúndeligin taýyp alady, onda dárigerlerdiń keńesi de bar bolatyn. Jańa týǵan nárestege qatysty ókpelerin de kózi shalady, Robert: «Meniń oǵan degen eshqandaı sezimim joq!» — degendi oqıdy. Bul sózder onyń júregin qatty aýyrtady. Sheshesiniń odan qutylǵansha asyq bolǵan oılary sol kúnnen bastap Robertke tynym bermeıdi.
Anasyna masyl bolǵany úshin uzaq ýaqyttar azap shegetinin biraz jyldan soń aıtady. Sol úshin de ol ózin basqa qyrynan kórsetedi: «Bir sátte bári óz ornyna keldi. Men oıladym: meniń ómirim kıno. Onda birneshe kóńilsiz sátter bar. Biraq, onyń sońy baqytpen aıaqtalady».
Búginde 44-jastaǵy Robret, tanymal jáne tabysty adam, anasy jaıly eń jaqsy sózderdi ǵana aıtady. Ol anasyn tek «jaqsy, qamqor, keremet» adam retinde ǵana esinde saqtaǵan.
Robert pen áıeli Ketı Avstralıada Vınnamda turady. Olardyń eki qyzy bar, ákeleri olardy óte qatty jaqsy kóredi. Aıaǵynyń joqtyǵy men suryqsyz túrine qaramastan Robert ózin kúlik astyna qaldyrmaǵan. Ol bilim alyp, jýrnalıs bolyp qyzmet isteıdi. Búgingi tańda óte tanymal jazýshy.
2013 jyly Robertti «Ugly» — suryqsyz atty avtobıografıasy shyqty. Robert óz ómirinen mysal ala otyryp, bizdiń ózimiz jaıly ózgelerdiń ne oılaıdy dep qatty alańdaýymyzdy, bul jaltaqtyqtyń kóp jerde kedergi ekenin kórsetýge tyrysady. « Óz kelbetińdi bıleı bil» — Roberttiń ataqty TEDx jobasyndaǵy sózi osylaı bastalady.
Robert búginde ózine «bet-álpetin» túzeý týraly usynystardyń jıi túsetinin aıtady. Biraq, tabysty jazýshy, baqytty áke «kórikti kelbetsiz» ómirde kóp nársege qol jetkizdi. Bastysy jaqyndaryńnyń qoldaýy deıdi Robert. Ol búginde bir kezderi ózin tastap ketpeı, úıge ákelip, baǵyp-qaqqan anasyna alǵysynyń sheksiz ekenin, ómiriniń orta belinen baqytty sújet jasaýǵa múmkindik bergen barsha janǵa rahmetin jaýdyryp, baqytty ǵumyr keshýde!
Materıaldy aýdarǵan: Aıjan Qalıeva
