1847 jyly eýropalyqtar arasynda alǵashqylardyń biri bolyp Qazaqstandy zerttegen brıtandyq saıahatshy ári zertteýshi Tomas Atkınsonnyń jazbalary Táýelsizdik 25 jyldyǵyna arnalǵan elimiz týraly beınerolıktiń negizi boldy, dep habarlaıdy QazAqparat.
Qarasha aıynyń ortasynan bastap, ony VVS World telearnasy kórsete bastaıdy. Fılm túsirilimderi brıtandyq saıahatshy júrip ótken - Astanada, Almatyda jáne Almaty oblysynda túsirildi. Kórsetilimge Qazaqstannyń Ulybrıtanıadaǵy elshisi Erjan Qazyhanov pen EKSPO-2017 halyqaralyq kórmesiniń komısary Rápil Joshybaev qatysty. Bizge málim bolǵandaı, VVS atalǵan kórmege úlken qyzyǵýshylyq tanytyp otyr. Qazirgi ýaqytta halyqaralyq kórmeni brıtandyq jáne ózge de medıakompanıalardan kórsetý jóninde kelissózder júrip jatyr. «Biz qazir VVS arnasymen áriptestik kelisim ornatýdamyz. Olar kórme kezinde bizdiń elimizdi kórsetkisi keledi. Barlyq halyqaralyq sharalardy, barlyq týrızm múmkindikterin», - dedi EKSPO-2017 halyqaralyq kórmesiniń komısary Rápil Joshybaev.
