QHR soty jumada kisi óltirgeni úshin aıypty dep tanylǵan İshki Mońǵolıa avtonomıalyq aýdany polısıasynyń burynǵy basshysy Chjao Lıpındi ólim jazasyna kesti, dep habarlady QazAqparat. Úkimdi Shansı provınsıasy Taıýn qalasynyń soty shyǵardy.
Sot sondaı-aq 2008-2010 jyldary ol zańsyz 23,7 mıllıon ıýán (3,5 mıllıon AQSH dollary) alǵanyn jarıa etti. Joǵarǵy halyq prokýratýrasy aqpannyń basynda oǵan kisi óltirdi, oq-dárini zańsyz saqtady degen aıyp taqty. Chjao Lıpın 2015 jylǵy naýryzda Chıfen qalasynda adam atyp ketken. Keıinnen 2015 jylǵy shilde sońynda ol partıadan shyǵaryldy. Ol sondaı-aq İshki Mońǵolıa Qytaı halyq saıası konsýltatıvtik keńesi bólimshesiniń aǵa saıası keńesshisi bolǵan.
