Reseıdiń iri qalalarynyń biri Peterbýrgte alǵashqy qoǵamdyq muzdatqysh ornatyldy. Fýdsherıng jobasynyń basty maqsaty turǵyndardyń artyq azyq-túlikti bosqa tastamaı, muqtaj jandarmen bólisýine múmkindik týǵyzý. Bul týraly «Komsomolská pravda» basylymy jazady.
Endi Peterbýrg turǵyndary artyq taǵamdardy qoǵamdyq muzdatqyshqa salyp, ózi qalaǵan azyq-túlik túrinen alýyna da bolady.
Dúnıejúzi boıynsha azyq-túliktiń úshten biri ysyrap bolady eken. Reseıde qolǵa alynǵan jańa joba osy máskeleni sheshýge baǵyttalǵan.
Muzdatqyshtyń tazalyǵyn baqylap, revızıa júrgizý eriktilerge tapsyrylmaq.
Qoǵamdyq muzdatqyshqa shıki et, balyq jáne jumyrtqa salýǵa bolmaıdy. Sondaı-aq artyq taǵamdardy ótkizetin adam neni qashan salǵanyn da arnaıy japsyrylǵan dápterge tirkeýi mindetti.
«Spasıbo!» qaıyrymdylyq dúkenine ornatylǵan qoǵamdyq muzdatqyshtyń saltanatty túrde ashylýy 13 qarashaǵa josparlanǵan.
