Keshe áleýmettik jelisinde Farıza atty qoldanýshy kishkentaı sábıdi shapalaqpen "Jap myna aýyzdy" dep alty aılyq sábıdi sabap jatqan qatygez áıeldiń vıdeosyn salǵan.

Bezbúırek áıel ustalsa, oǵan  Qylmystyq kodekstiń 110-baby 2-tarmaǵy («Densaýlyqqa qasaqana aýyr zardap keltirý») jáne 106-baby 3-tarmaǵy («Azaptaý») boıynsha is qaralyp, tergeý amaldary júrgizilýi múmkin,- dep habarlaıdy Qamshy portaly. 

Qatygezdikke toly  bul vıdeo barsha áleýmettik jelilerdi shýlatyp, qoǵam narazylyǵyn týdyrǵan edi. Vıdeony sábıdiń anasy jumysta bolǵanda 8 jastaǵy qyz túsirip alǵan. Al, aıaýsyz áıel bolsa emıgrant jumysshy bolýy múmkin. Esimi Kýrmanbaeva Aıgýl Kojabaıevna deıdi vıdeony bólisýshi.

Osy máselege baılanysty portalymyzdyń tilshisi QR İshki ister mınıstrligine habarlasyp, resmı aqparat suraǵan edi.  

İİM Memlekettik til jáne aqparat departamentiniń dırektory Almas Sadýbaev:

Keshe ınternet jelisinde kishkentaı balany uryp jatqan áıeldiń vıdeosy jaryq kórgen bolatyn. Sol boıynsha azamatsha tulǵasyn anyqtaý jumystaryn júrgizip jatyrmyz.  Oqıǵanyń anyq-qanyǵy belgili bolǵanda  máselege prosesýaldy baǵa beriletin bolady. 

Qamshy portalynyń tilshileri bul isti óz nazaryna alyp, resmı uıym ókilderimen baılanysta otyr.