Qostanaılyq Ramzan Baıdáýletov Birikken Arab Ámirlikterinde mentaldy arıfmetıkadan ótken halyqaralyq jarystyń ádilqazylar alqasyn tańdaı qaqtyrdy.
Bul týraly QazAqparat habarlaıdy.
Jeńimpazdyń anasy Aıgúl Aıýpovanyń aıtýynsha, onyń balasy óziniń dárejesinde birinshi boldy. 8 mınýttiń ishinde ol 175 mysaldy sheshti, dep jazady Alaý. «Onda ekiqatarly jáne birneshe qatar mysaldar bolǵan. Balam sheshti. Ol sıfrlardy áp-sátte oryn-orynymen ornalastyrady. Ótken jyly biz mentaldy arıfmetıka akademıasyna barǵanbyz. Búgin mine, nátıjesin kórip otyrmyz»,-deıdi jas aqyl-oı ıesiniń anasy. Ramzan mektepke deıingi daıyndyq sabaǵyna barady. Ol Qostanaıdaǵy jedel oqý mektebin sátti aıaqtady. Ol sonymen qatar shahmatpen de belsendi aınalysady. Osy ýaqytta eńbekqor balanyń 3 dárejesi bar. Daryndy jastyń anasy balasynyń óte keremet este saqtaý qabileti baryn aıtady. Endi 6 jasar chempıonǵa Indonezıada ótetin jarystarǵa qatysý jóninde usynys túsken. Ol Balı aralyna 2017 jyldyń jeltoqsan aıynda barady. Ramzannyń eń úlken armandarynyń biri - Elbasynyń shyrshasyna qatysý.
