62 jastaǵy barsha álemge tanymal akter Djekı Chan kınematografıadaǵy eren eńbegi úshin "Oskar" syılyǵyn ıelendi. Bul týraly Qamshy.kz portaly habarlaıdy.
Marapattaý rásimi Los-Andjeleste 12 qarasha kúni ótti. Djekı Chanǵa "Oskar" beriletini qyrkúıek aıynda belgili bolǵan.
«Bul - arman. Kınoındýstrıadaǵy 50 jyl, 200 fılm men kóptegen synǵan súıekterden keıin, aqyry oǵan qolym jetti. Gollıvýd, raqmet. Kóp jyldar ishinde sen meni kóptegen dúnıege úıretip, sál tanymal ettiń. Búkil álem boıynsha tabynýshylarym maǵan fılm túsirýdi jalǵastyrýǵa, terezeden sekirip, súıegimdi syndyrýǵa kúsh beredi», — deıdi akter marapattaý kezinde. Bul týraly NTV.Ru jazdy.
Chan alǵash ret "Oskardy" 23 jyl buryn Stallonege qonaqqa barǵanda qolyna ustap kórgenin esine aldy.
"Men ustap kórdim, súıdim, ıiskep kórdim. Ondaǵy saýsaq izderim áli qalǵanyna senimdimin. Sol kezde onyń mende de bolǵanyn qatty qalaıtynymdy túsindim", - deıdi akter.
