Búgin Úkimet otyrysynda Premer-mınıstr Baqytjan Saǵyntaev kún tártibindegi máselelerge kóshpes buryn, elorda ákimi Áset Isekeshevten Astana kóshelerin qardan tazalaý jumystary qalaı júrip jatqanyn surady, - dep habarlaıdy Baq.kz.

«Búgin tańerteń jurttyń bári jaýǵan qarǵa baılanysty jumysqa keshigip kelip jatyr. Bizdiń de otyrysymyz kesh ótýde. Búkil qala turyp qaldy. Eshqandaı daıyndyq bolmaǵan sekildi. Jaǵdaı qazir qalaı?», - dep surady Úkimet basshysy Astana ákimi Áset Isekeshevten.

Qala ákimi óz sózinde qar tazalaý jumystary túni boıy júrgizilgenin aıtty.

«Shyn máninde, búgin aýa raıy kúrt ózgerdi. Biz daıyndaldyq. Túni boıy saǵat ekiden bastap qar tazalaý jumystary júrdi. Negizinen, qazir joldar taza. Qar kóp túskendikten,qalada úlken kólik keptelisi oryn aldy. Barlyǵy retteledi», - dedi ol.

«Áset Órentaıuly, bul sizdiń ákim retinde qarsy alyp otyrǵan alǵashqy qys, alǵashqy synaq. Bul jaǵdaıdan abyroıly shyǵýyńyzǵa tilektespiz», - dedi B.Saǵyntaev.