Qarashanyń 12 kúni Almaty qalasyndaǵy «ADK» saýda kesheninde «Kel de al» aksıasysyn ótkizip, qoǵam narazylyǵyna ilikken ADK saýda ortalyǵynyń Ákimshiligi halyqtan resmı túrde keshirim surady, - dep habarlaıdy Qamshy portaly.  

 Azamattardyń jaǵymsyz pikirlerin nazarǵa ala otyryp, 2016 jylǵy 14 qarashadan bastap «ADK» oıyn-saýyq saýda keshenindegi «Kvartırnaıa zakýpka» sharasy sheńberinde uıymdastyrylǵan  «Kel de al» aksıasy toqtatylǵandyǵyn habarlaımyz.

 Osy aksıany qorlaý dep oılaǵan barlyq azamattardan keshirim suraımyz!   Sonymen qatar, «ADK» oıyn-saýyq saýda kesheni qoǵamymyzda qalyptasqan moraldyq jáne adamgershilik qaǵıdalaryn tolyǵymen qoldaıtynyn málimdeımiz.

Esterińizge salsaq, 12 qarasha "Kel de al" aksıasy ótip, onda  jalańashtanǵan  adamdar úshin 5000 teńge jeńildik qarastyrylǵan. Bul aksıa qoǵamdy dúrliktirip, jurtshylyq narazylyǵyn týdyrǵan bolatyn.