Ótken demalysta, 12-13 qarasha kúnderi Atyraýda kıokýshınkaı-kan karateden balalar, jasóspirimder, kadetter, ıýnıorlar, erler jáne áıelder arasynda Qazaqstan Respýblıkasynyń kýbogi ótti. Jarystyń saltanatty ashylý rásimi 13 qarashada “Atyraý” sporttyq-saýyqtyrý kesheninde ótti.
Dúbirli báıgege elimizdiń túkpir-túkpirinen kelgen sportshylar qatysty. Naqtyraq aıtsaq, karateshiler Astana, Almaty qalalrynan, Aqmola, Aqtóbe, SHQO, Jambyl, Qaraǵandy, Qyzylorda, Mańǵystaý, OQO, SQO, Atyraý oblystarynan uzyn sany 350-ge jýyq karateshi babyn synady.
Al saıysty tamashalaýǵa Atyraý oblysynyń ákimi Nurlan Noǵaev, URKKF prezıdenti, Parlament májilisiniń depýtaty Omarhan Óksikbaev, Mádenıet jáne sport mınıstrliginiń Sport jáne dene shynyqtyrý komıtetiniń tóraǵasy Elsıar Qanaǵatov keldi.
Jıynda sóz alǵan Atyraý oblysynyń ákimi Nurlan Noǵaev barlyq qatysýshylarǵa sáttilik tiledi.
“Elbasymyz 25 jyl boıy sportty damytýǵa erekshe kóńil bólip kele jatyr. Prezıdenttiń tapsyrmasymen elimizdiń barlyq óńirinde sportpen aınalysýǵa tolyq múmkindik jasaldy. Atyraý oblysy da bul úrdisten shet qalǵan joq. Aımaqta barlyq kerek-jaraqpen qamtamasyz etilgen sport saraılary boı kóterip, halyqtyń ıgiligine berilip jatyr. Búgingi saıys Elbasymyzdyń sol qamqorlyǵynyń kórinisi. Saıysqa qatysýshylarǵa sáttilik tileımin! Úmitterińiz aqtalsyn!”, - dedi oblys ákimi.
Jarys qorytyndysy boıynsha, áıelder arasynda atyraýlyq Krıstına Saınova men aqmolalyq Álemgúl Sabyrhan úzdik dep tanyldy. Erler arasynda atyraýlyq Andreı Kotov, astanalyq Jánibek Burhashbaev, Danıar Álımýsınov jáne Nurlyhan Sadýaqasovtar jeńisti qanjyǵalaryna baılady.
