Bul jolǵy ,«EFIR. ÓMİR. ÓLEŃ» atty óleńder toptamasynyń ataýyn  ózgertip berdik. Toptama erterek daıarlanǵanmen, Meıirhannyń qazirgi háline baılanysty biz óz tarapymyzdan jaratqannan  oǵan shıpa,basyna amandyq  tileımiz. Osy aptanyń ishinde, Túrkıalyq úlken saıttardyń birinde, «Göz nurum,gönul şarkım olan-iyi adam!» atty áńgimesiniń  tusaýyn kesemin dep júrgen jalyndy jastyń kenetten júrek dertimen aýrýhanaǵa túskeni janarymyzǵa jas úıirdi. Meıirhannan biz ben oqyrman  kesek-kesek jańa týyndylar kútemiz. Oqyrman qaýym, «Sharapat» shyǵarmashyl jastar baıqaýynyń bas júldegeri atanǵan  hám Túrkıada ótken san túrli baıqaýlarda ózin dáleldep júrgen Meıirhan Meırambekulynyń óleńder  toptamasyn  oqyrmanǵa usynamyz .

Aǵa

Sýna Gúler

Qańtar bolmasyn dep,

Qıalymnyń kógi taza.

Úmitiń solmasyn dep,

Essizge qoldanar jaza.

Kúzi kóp kóńil nazyn,

Jatsynbaı qabyldar.

Júregime úmit nárin,

Sińirýge árkez qumar.

Taǵdyr tartýy

Angelına Agapıa

Baryma shúkir eteıin,

Ómir muńyn neteıin...

Jalǵannyń júzine,

Kúlip –kúlip keteıin.

Soqyr dese de bireý,

Janymda bar tireý.

Bolmaıdy ol bar da,

Mende esh kúıreý.

Únimen súırer,

Jyly sózsiz-aq.

Jaıym joq kúırer,

Muńdar menen uzaq.

Qura almas ol barda,

Maǵan taǵdyr tuzaq.

Jaýapsyz qalmas,

Ómir tartqan suraq.

Aıamańyz... Aıaldańyz...

Angelına Agapıa

Aıamańyz...

Sharasyz júrek úshin.

Aıaldańyz...

Jaqqut jyrym úshin...

Aıamańyz...

Tamshy jastarym úshin...

Aıaldańyz...

Araıly tańdarym úshin...

Aıamańyz...

Túk kórmes janarym úshin...

Aıaldańyz...

Bıikte samǵaýym úshin...

Aıamańyz... Aıaldańyz...

Óleńge ózimdi arnaýym úshin...

Arman jylasa...

Ferıde Aslan

Qabaqta - muń....

Qaıǵym – ishte.

Jylap rýhym,

Tapa tal túste.

Armanyń jylasa,

Úmitiń dármensiz.

Armanyń jylasa,

Júregiń senimsiz.

Kútken baqytyń,

Aldasa azap sol.

Bir ýys shattyǵyń,

Bastar keıde jol.

Jadyńnan óshirgen,

Ótken shaq kelmes.

Kóńilim kemseńdegen,

Sanamnan esimiń óshpes.

Aspan dertin aıtyp,

Aq jańbyrǵa aınalar.

Aqyn syryn aıtyp,

Bir saǵymǵa aınalar.

Kepter men keıipker

Neslıshah Ergen

Teńiz nege tolqıdy,

Kóbik shashyp kókke.

Júrek nege tolqıdy,

Janý úshin-aý órtke.

Kepterlerge tańmyn,

Hat tasyǵan kóńilden.

Keıipkerime tańmyn,

Alystatqan ómirden.

Ánýar

Ferıde Aslan

Ánýar,

Jan uǵar.

Jalǵanda,

Armany – tumar.

Ánýar,

Jan qumar.

Lebiz sózińe,

Jan jyrlar.

Baǵalarmyn seni

Mınara Abılova

Sen,

Móldir tamshym,

Sen,

Móldir jansyń.

Qıalym qarysyp,

Muńmenen alysyp,

Ýaqytpen jarysyp,

Saǵynyshpen tabysyp.

Sen,

Teńizdeı tereńim.

Seni,

Ózimdeı kóremin.

Sen,

Qıalmas qymbatym,

Sen,

Jyrmen teń atyń.

Saǵynǵan shaǵyńda,

Júregim shaǵyna.

Jetpeı jyladym,

Ómirdiń jazyna.

Keshirim

Mınara Abılova

Keshirim surap,

Úırene almadym.

Janymdy qınap,

Ózimdi aldadym.

Keshirim berdim,

Sanam sókkenmen.

Keshirip keldim,

Júrekke syz ótkenmen.