Búgin Balýan Sholaq atyndaǵy Sport saraıynda «InterSport-2014» ekinshi halyqaralyq kórmesi óz jumysyn bastady.
Kórmeniń resmı ashý saltanatyna Almaty q. Ákimshiliginiń sport jáne dene shynyqtyrý basqarmasynyń basshysy Haırbolat Haıdarov, Quranbek Sársen Abaıuly QR Sport jáne dene shynyqtyrý isteri agenttigi tóraǵasynyń orynbasary, bıznes-qaýymdastyqtyń, sondaı-aq buqaralyq aqparat quraldarynyń ókilderi qatysty. Kórmeniń uıymdastyrýshysy Qazaqstan Respýblıkasynyń Sport jáne dene shynyqtyrý isteri boıynsha agenttiktiń jáne Almaty q. Ákimdiginiń qoldaýymen «KazEkspoServıs» kompanıasy bolyp tabylady. İs-sharany uıymdastyrýshylar óz sózderinde bul kórmeniń tájirıbe almasý, keńes berýdi ótkizý, sport pen belsendi demalysty damytý boıynsha jańa ıdeıalarmen bólisý úshin tamasha alań bolyp tabylatynyn, sonymen qatar ol mamandarǵa osy salalar damýynyń sońǵy betalystarymen tanysýǵa jol ashatynyn atap ótti. Joba sport-ındýstrıanyń, ańshylyq pen balyq aýlaý salalarynyń damýyna aıtarlyqtaı úles qosady. Jalpy kórmege 40 asa kompanıalar qatysýda. Olardyń arasynda «Adıdas», “Maple Skate” (Nıderland), kónkı tebý sporty úshin kónkı óndirýshiler, “Club Central” kompanıasy (Indıa) regbı, fýtbol, basketbol úshin doptardy óndirýge mamandanady. Sporttyq jabyndylardy óndirýshi kompanıalar úlken qyzyǵýshylyq týdyrýda: «Epýfloor», «Karat», «Polıks», «Regýpol», «Almeer» jáne basqalar. Bul Qazaqstanda sporttyq nysandardyń kóptep salynyp jatqandyǵymen túsinidiriledi. «Avangard» kompanıasy sporttyq kreslolardy, al «Importer-KZ» sport alańdary úshin qural-jabdyqty usynady
Kórmede tuńǵysh ret óz ónimin sporttyq maqsattaǵy, sondaı-aq qarýlanǵan kúshter men mılısıa úshin trıkotaj kıimniń óndirýshisi “Garlita” lıtvalyq kompanıasy usynady.
«OK – Sport», “TENCO”, “InterSport Trade”, “«Aıtas Jeri» jáne basqa da qazaqstandyq kompanıalar ózderiniń jáne sheteldik áriptesterdiń ónimin usynady.
Kórme kelesideı bólimderde kórsetiledi:
- sporttyq kıim jáne aıaq-kıim,
- sporttyq taǵam,
- jattyǵý zaldary úshin qural-saımandar,
- stadıondar men alańdar úshin jabyndylar,
- sporttyq jáne balalar oıyn alańdaryn jasaý.
Sharanyń aqparattyq qoldaýyn «Avtoradıo», «Fýtbolnye Vestı» jýrnaly, «Sportıvnoe obozrenıe» jýrnaly iske asyrdy.
