Twitter-de «Mýslım» degen atpen tirkelgen belgisiz bireý Qyrǵyz Prezıdenti Atambaevqa ólimmen qorqytý arqyly bopsa jasady. Bul týraly AKIpress-ke silteme jasap «Qamshy» portaly habarlaıdy. Bul jaıt boıynsha Qyrǵyzdyń Ulttyq qaýipsizdik komıteti tekseris júrgizip jatyr.  

Twitter qoldanýshysy óziniń Atambaevqa baǵyttaǵan qaýip tóndiretin habarlamasyn búgin jazǵan bolatyn. Habarlama mazmuny mynandaı: «Men Qyrǵyzstanǵa, Ózbekstan men Tájikstanǵa, Qazaqstanǵa ún qatamyn: Sizderdeı ıtterdi Musylmandar óltiredi, Alla jazalaıdy (Avtor stıli saqtalǵan. -red.)». Úrkitip-qorqytýshy «Mýslım» sondaı-aq Qyrǵyzstan Prezıdentine de tikeleı habarlama joldapty. Anyǵyn aıtsaq, ol «Men Atambaevty óltiremin. Atap ótken basqa memleketterde de jaqynda bolamyn» deıdi.

Akkaýnt Twitter-de 2016 jyldyń qarasha aıynda ǵana tirkelgen. Ol ornalasqan jeri retinde Sırıany kórsetken. Alǵashqy jazbasy bolsa 12 qarashada jarıalanǵan. Onyń jazǵan barlyǵy 6 tvıti de orys tilinde jazylǵan. Ol óziniń paraqshasyna DAISH sımvoldaryn qoıǵan.