Atyraýda oqý isi meńgerýshisiniń oqýshy qyzǵa qol kótergen vıdeosy YouTube qoldanýshylarynyń ashýyna tıdi,-  dep habarlaıdy Qamshy.kz Nur.kz-ke silteme jasap. 

Jelini shýlatqan vıdeony qyzdyń anasy Youtube-qa júktep, bolǵan oqıǵany aıtyp bergen. Onyń aıtýynsha, oqıǵa Qanysh Sátbaev atyndaǵy orta mektepte bolǵan.

Vıdeodan muǵalim ózge oqýshylarmen ketip bara jatqan qyzdy toqtatyp oǵan urysyp jatqany baıqalady. Sol sátte oqýshy qyz ketip qalǵasy keledi, alaıda meńgerýshi onyń qolynan ustap alyp, oǵan urysýyn jalǵastyrady. Tipti oǵan qolda kóteredi.

Vıdeo avtory oqýshy qyzdyń qulaǵy aýyryp júrgennen keıin, mektepke qalpaq kıip baryp júrgenin atap ótedi.

Onyń aıtýynsha, bolǵan oqıǵadan keıin qyzynyń mektepke barǵysy kelmeıdi. Tipti ózine urysa beretin muǵalimderdi kórgisi kelmeıdi eken. 

Osydan keıin, oqýshy qyzdyń anasy qalalyq bilim bólimine shaǵymdanǵan.

Qalalyq bilim bólimi qyz balanyń anasynyń shaǵymynan keıin 20 jyldyq eńbek ótilimi bar muǵalim tárbılik jumystan shettetilip, laýazymynan aıyrylǵanyn aıtty. Alaıda muǵalim sol mektepte orys tilinen sabaq berýin jalǵastyrýda.

https://m13.spacebro.net/videos/aj/ee/mk/79/ajeemk79.mp4?video_id=ajeemk79&server_id=14&storage=2