Aqtóbe oblysynyń Densaýlyq saqtaý basqarma basshysynyń orynbasary Almat Ermaǵambetov óz qyzyn Nazarbaev Ýnıversıtetine túsirý úshin 20 000 dollar para bergenin polısıa qyzmetkerlerine aıtyp berdi.

Osy alaıaqtyq úshin  ústinen is qozǵalaǵan 39 jastaǵy Botagóz Bıekenova sottalyp jatyr. Almat Ermaǵambetovtyń aıtýynsha: Osy jyldyń aqpan aıynda tanystarymyz úlken qyzymdy Nazarbaev Ýnıversıtetine, al kishi qyzymdy Aqtóbe qalasyndaǵy Nazarbaev mektebine túsirip beremin degen usynys jasady. Tanys áıel sheneýnikke NIM dırektoryn bilemin, al Nazarbaev ýnıversıtetiniń prorektory - meniń aǵam dep aıtqan bolatyn.  Tanys kisi ózin qabyldaý komısıasynyń múshesimin dep aıtqan. Sol sebepten, men ol kisige tolyqtaı senip, áıelimniń kózinshe 20 myń dollar berdim. Bıekenova hanymnan qolhat almaǵan sebebim de sol.

Bıekenova hanym para alǵanyn moıyndamady.

«Dıapozon» basylymynyń habarlaýynsha, sheneýnik qyzyn ýnıversıtetke túsire almaǵannan keıin polısıa qyzmetkerlerine habarlaǵan.

İİD-nyń habarlaýynsha, Botakóz Bıekenova ustalǵan, oǵan úlken kólemde para aldy degen aıyp taǵylyp otyr. Sonymen qatar, mekeme qyzmetkerleri «osy azamatshadan jábirlenýshilerdi İshki İster Departamentine habarlassyn»  degen habarlandyrý jasady.