Almaty ákimdigi keı aýdandarda qar tazalanbady degen synmen kelispeıdi, dep habarlady QazAqparat tilshisine Almaty tabıǵı resýrstar basqarmasynyń jetekshisi Eldar Keldibaev.

«Biz ortalyq pen qala sheti dep bólmeımiz. Abaı kóshesinen tómen qaraı qar tazalanbady deý ádiletsizdik, foto men vıdeo bar, esep bar. Siz qaı ýaqytta ótip edińiz? Taıǵaqqa qarsy materıaldar sebildi, kóktaıǵaqtardy zalalsyzdandyrdyq, qar toqtaýsyz jaýyp turǵanda asfáltty qap-qara etip ustap tura almaımyz», - dep BAQ suraqtaryna jaýap berdi E.Keldibaev. Onyń aıtýynsha, búgin túnde 465 dana tehnıka jáne 500 jol jumysshylary qala kóshelerindegi qardy tazalap shyqty. «Qar túnde jaýdy, tańerteń kólikter esh qıyndyqsyz júrdi. Eń aldymen qoǵamdyq kólik qozǵalysyn qamtamasyz etýimiz kerek, biz ony jasadyq. Kólik jol aıryqtarynan ótýin, shyǵýyn qadaǵaladyq. Almaty qalasy taýly jerde ornalasqan, bizde Shymbulaq pen Úlken Almaty kóline deıin jol bar. Biz olardyń barlyǵyn tazalap jatyrmyz, eshqandaı másele joq. Naýryzbaı aýdany - taýly jer jáne biz osy jumystyń barlyǵyn 4 saǵatta istep bitirdik», - dep jalǵady sózin ol. Eskertýler bar. Bul óte oryndy. Eger bizge mekenjaı berseńizder, barlyǵyn túzetemiz», - dedi E.Keldibaev.