18 qarasha Stýdentter saraıynda «Qamshy» portaly «Kósh jáne Kóshbasshy» atty Táýelsizdiktiń 25 jyldyǵyna arnalǵan merekelik konsert ótetindigin esterińizge salamyz. Kesh barysynda elimizdiń dástúrli án ónerin nasıhattap júrgen jas ónerpaz Qýanysh Táýelsizdik mereıtoıyna arnalǵan «Táýelsizdik tolǵaýy» atty jańa týyndynyń tusaýyn kesedi,- dep habarlaıdy Qamshy portaly.
T.Júrgenov atyndaǵy Óner akademıasynyń túlegi Qýanysh táýelsizdikten keıin dúnıege kelgen, erkin eldiń ulany bolǵanyma qýanamyn deıdi. Erteńgi keshte oryndalatyn «Táýelsizdik tolǵaýyn» barsha qazaq eline arnaımyn deıtin jas ónerpaz halyqaralyq jáne respýblıkalyq birneshe án baıqaýynyń júldegeri. Ramazan Stamǵazıev, Nurjan Janpeıisov syndy qazaqtyń daryndy uldarynyń shákirti.
Keshte esimi elimizge ǵana emes dúnıe júzine áıgili opera ánshisi Maıra Muhammed, Ramazan Stamǵazıev, Alashuly toby, Muratbek Sarbasov, Ibragım Eskendir, Shaba Ábdenqul jáne taǵy basqa óner juldyzdary jyrdan shashý shashady.
