Birneshe aı buryn Nurlan Noǵaev Atyraý oblysynyń aýdandaryn aralap shyǵyp, halyqpen kezdesip, muń-muqtajyn tyńdaǵan edi. Sol saparynyń barysynda oblys ákimi Tushshyqudyq aýylyndaǵy tátti taǵamdar satatyn dúkenge bas suqqan bolatyn. Aımaq basshysynyń qandaı kómek kerek degen saýalyna kásip ıesi Raıhan Ermuhanova jańadan satyp alǵan peshterin iske qosý úshin qýaty 380 vólt toq kerek ekenin aıtyp, osy máseleni sheshýge járdemdesýin suraǵan bolatyn.

Osy áńgimeden soń birneshe kúnnen keıin toq tartylyp, kásipker jumysyn jańa qarqynmen bastady. Onyń aıtýynsha, óndiristi keńeıtip, jańa jumys oryndaryn ashý josparlanyp otyr. 

Aýyldyq kásipker "Jumyspen qamtý 2020" baǵdarlamasy aıasynda 3 mıllıon teńge nesıe alǵan. Ol keıin osy aqshaǵa seh salyp, qajetti qural-jabdyqtaryn satyp alypty. 

Aıta ketelik, jazǵy saparynda Nurlan Noǵaev osy sehtan 2 myń teńgelik tort satyp alǵan edi.  "Shaǵyn jáne orta bızneske qoldaý bizdiń basty jumysymyz. Kásipkerlerge kómekti aıamaımyz", -  degen edi sonda aımaq basshysy.