Vıdeoda kishkentaı sábıdi aıaýsyz urǵan áıel Ózbekstannan tabyldy, - dep habarlady «QazAqparat».  

«Ózbekstan Respýblıkasy İİM-men birlesken jedel-izdestirý sharalary barysynda kórshi memleket aýmaǵynan shaqalaqqa qatygezdik kórsetken kúdikti Ózbekstan azamatshasy anyqtalyp, odan jaýap alyndy. Áıel kinásin tolyqtaı moıyndady. Sotaldy tergeý aıasynda kúdiktige qatysty sondaı-aq, memlekettik shekarany zańsyz kesip ótkeni  jáne QR Kóshi-qon zańnamasyn buzǵany úshin jaýapkershilikke tartý máselesi sheshilýde», - dep habarlady ol. Almas Sádýbaevtyń aıtýynsha, qazir kúdiktiniń turǵylyqty orny boıynsha qylmystyq is materıaldaryn Ózbekstan Respýblıkasyna berý týraly halyqaralyq tapsyrma ázirlenýde.  Eske salaıyq, vıdeo Instagram áleýmettik jelisinde tarady. Kadrda áıel dıvanda otyryp, jasqa tolmaǵan náresteni aıaýsyz shapalaqtap jatqany anyq kórinedi. Ol «aýzyńdy jap» dep aıǵaılap, balany basynan, betinen aıaýsyz  urady. Keıin QR İİM memlekettik til jáne aqparat departamentiniń dırektory Almas Sádýbaev áıeldiń jeke basy anyqtalǵandyǵyn habarlaǵan bolatyn.