Almaty oblysynda óz balasyn dárethanaǵa tastaǵan anaǵa úkim shyǵaryldy. 24 jastaǵy Altynaı Aqjoltaeva júktiligin týystarynan jasyryp júrgen, al tolǵaq bastalǵanda daladaǵy dárethanaǵa bet alǵan. Qyz óz aıybyn moıyndap, ókinish bildirdi, biraq jaýapkershilikten bosatylmady, dep habarlaıdy KTK.

- Keshirim ótinemin, bulaı bolady dep múldem oılamadym. Men ony dárethanaǵa tastaǵym kelgen joq. Óz qyzymdy tárbıelegim keledi. Men aıyptymyn, keshirińizder meni. Qyzymdy óz qolyma alǵym keledi, - dedi Altynaı Aqjoltaeva. Sot qyzdyń ókingenin eskere otyryp, bir jarym jylǵa bas bostandyǵynan aıyrdy. Tastandy sábı týraly tergeý jumystary tórt aıǵa sozyldy. Alǵashynda A.Aqjoltaeva kepil arqyly bosatyldy, keıin qaıtadan qamaýǵa alyndy. Oqıǵa shilde aıynda bolǵan edi. Aqshı aýylynyń turǵyny óz dárethanasynan sábı taýyp aldy. Anyqtala kele, tastandy sábıdiń anasy turǵynnyń óz nemeresi bolyp shyqty. Olar jańa týǵan sábıdiń jylaǵan daýysyn estigen. Dárigerler náresteniń tiri qalýyn tańǵalarlyq oqıǵa dep baǵalady. Qazir kishkentaı Qarlyǵash Bóbekter úıinde turyp jatyr. Onyń aldaǵy taǵdyryn qamqorshylyq organdary sheshedi. Ony týǵan ájesi óz tárbıesine alǵysy keledi.