Memlekettik «Nurly jol» baǵdarlamasyna bólingen qyrýar-qarjy da talan-tarajǵa túse bastady. Jemqorlyqqa qarsy ulttyq búro elimizdegi turǵyn úı qurylysyna jaýapty ulttyq «Báıterek» holdıńiniń 3 laýazymdy menedjerin paramen ustady.
Bul týraly Ktk arnasy habarlaıdy.
Qoldaryna kisen salynǵandardyń biri holdıńtiń enshiles kompanıasy «Báıterek Development-tiń» basqarma tóraǵasynyń orynbasary Aslan Jaqypov. 40 jastaǵy top-menedjer Májilistiń eks-spıkeri Qabıbolla Jaqypovtyń uly. Ol «Báıterek Development-tiń» basqarýshy dırektorlary Baýyrjan Áıtimbetov jáne Ǵazız Sarıevpen aýyz jalasyp «Nurly jol» baǵdarlamasyna bólingen qyrýar qarjyny tenderden kásipkerlerge alyp berý úshin aýysbastyryq alyp otyrǵan. Top-menedjerlerdiń úsheýi de kezekti 28 mıllıon teńgeni alý sátinde qolǵa tústi. Bul aqshaǵa Pavlodar qalasynda búdjettiń 3 mıllıard teńgesine salynyp jatqan 9 qabatty úıdiń aktisine qol qoıyp bermek bolǵan. Tergeý materıaldaryna qaraǵanda , top-menedjerler arzan úı salýǵa bólingen qazyna qarjysyn osylaı júıeli túrde jymqyrýmen aınalysypty.
