"Qamshy" portaly 18 qarashada, Almaty qalasynda "Kósh jáne Kóshbasshy" atty merekelik konsert ótkizdi. Merekelik kesh Qazaqstan Táýelsizdigi men ulttyq kóshi-qonǵa negiz bolǵan qaýlynyń qabyldanǵanyna 25 jyl tolýyna oraı ótkizildi.

Osy oraıda oqyrman nazaryna 2002 jyldyń 23-24-shi qazan kúnderi Túrkistan qalasynda ótken Dúnıejúzi Qazaqtarynyń İİ-shi Quryltaıyndaǵy ELBASYNYŃ ÁLEM QAZAQTARYNA JOLDAÝYN USYNAMYZ:
"Taǵdyrymyz solaı bolyp, annan qashqandardy, munnan qashqandardy Eýropadan da, Azıadan da tyń jerdi kóteremiz dep, qazaqtyń sanyn azaıtamyz dep, kóp ultty boldyq. Ony kemshilik dep sanamaý kerek. Artyqshylyǵymyz dep sanaý kerek! Sondyqtan biz ár ulttyń halqyn baýyrymyzǵa basyp úırengen halyqpyz, al endi shetelden kóship kelemiz degen óz qazaqtarymyzdy baýyrymyzǵa basa almaımyz ba sonda?! Men oılaımyn, segiz jarym mıllıon qazaq Qazaqstanda. Menińshe, qazir toǵyz mıllıonǵa jaqyndady. Sebebi, osy jyldardyń ishinde jarty mıllıon qazaq kóship keldi. Segiz mıllıondy ortasha úsh jarymǵa, tórtke bólgende, qansha januıa bolady?! Eki mıllıonǵa jaqyn bizdiń januıamyz bar. Tórt mıllıonǵa jaqyn januıa eki qazaqtan shaqyryp ákep, aıaǵynan turǵyzyp jiberse, sonsha qıynshylyq bolmas dep oılaımyn solarǵa. Bul bizdiń eldigimiz bolyp sanalar edi. Dúnıe júzine biz osyndaı maǵlumat, málimet, tájirıbe berer edik!» dep aıtqan edi.