«Uly dala ulaǵattary» atty – Elbasy Nursultan Nazarbaevtyń eńbegin tolqymaı, tebirenbeı, júrekti kernegen maqtanyshpen, bolashaqqa degen senimmen oqymaý múmkin emes.
Táýelsizdigimizdiń ońaı jolmen kelmegenin, El tarıhynyń ótkeni, búgini jáne bolashaǵyna taldaý jasaı otyryp, Elbasy jas urpaqqa el Egemendiginiń ońaı jolmen kelmegenin jáne ony saqtap qalýdyń sara jolyn kórsetip otyr. «Uly dala ulaǵattary» - jeńistiń kúshi árdaıym birlikte ekenin dáleldeı kele, aldaǵy ýaqytta ult muddesi úshin otansúıgishtik, ultjandylyq qasıetterdi tý etip, bir maqsat pen bir múdde arqyly bıik jeńisterge jetetinimizdi jas býynǵa amanat etip tapsyrylǵan týyndy.
«Elimizge boıyna ata – babamyzdyń el men jerge degen súıispenshilik qasıeti daryǵan, egemen elge aıanbaı qyzmet etetin, oı – órisi keń, alǵyr da júrekti, saýatty da salamatty azamattar qajet. Óser – jasqa óris keń, ónege mol. Óskeleń urpaq ózine kerekti óristi bilim men ǵylymnan tabady. Endeshe, jaqsyǵa, jańaǵa umtylý kerek. Týǵan tilińdi, halqyńnyń tarıhyn, salt – dástúrin bil, zerdele, óıirińde úlgi tut. Táýelsizdikke qyzmet etý jolyndaǵy aqylyń men qaıratyń adal murat, asqaq armanǵa toly bolsa, baratyn jeriń, shyǵatyn tóriń de bıik bolmaq.
Baıaǵy ertegide aıtylǵandaı, solǵa tartsa soqyldaq, ońǵa tartsa ompyldaq, týra júrse tórge shyǵar baǵyt aıqyndalmaq. Sondyqtan da jas urpaq týra júrýge tıis. Aldynda arman tur, artyńda alashyń tur. «Ózge elge barypsultan bolǵansha, óz elińde ultan bol» degen babanyń sózi júregińniń tórinde, óreńniń órinde bolsyn».
Elbasynyń bul eńbegin óser jasqa aıtylǵan aqyl, órkendi ósıet dep qabyldaýǵa tıispiz.
Jas urpaqqa júrekjardy syryn, aqyl oıyn, qamqorlyqpen aıta kele, Nursultan Ábishuly bolashaqtyń tiregi jastar ekenin taǵy da bir dáleldeıdi.
«Bul ǵasyr – eń aldymen, jastarymyzdyń ǵasyry. Jańa myńjyldyqta Qazastannyń baıraǵy bıik, tabysy eren, qorǵany beren bolady dep senemiz. Senimniń sergektigi – elińniń erjetkeni. Ol – bizdiń baqytymyz. Eldiń baqyty».
Qazaqstannyń bilim men ǵylymynyń qara shańyraǵy, álemdik bilim keńistiginde óziniń jetistigimen aldyńǵy qatarda oryny bar ál-Farabı atyndaǵy Qazaq ulttyq ýnıversıtetiniń «Ekonomıka jáne bıznes joǵary mektebi» ujymy Elbasynyń «Uly dala ulaǵattary» eńbegin stýdenttik konferensıada taldap, bul eńbekti óz bolashaǵynyń baǵdarshamy dep qabyldady. «Biz táýelsiz eldiń urpaǵymyz», «Uly dalanyń erkesimiz» - dep tebirendi jastarymyz.
«Uly dala ulaǵattary» Qazaqstan azamatynyń janyna rýhanı jiger beretin, ótkendi umytpaý, bolashaqqa senim, janyna jalyn quıatyn asyl mura.
Ekonomıka jáne bıznes
Joǵary mektebiniń dekany
B.J.Ermekbaeva
