Memlekettiń aqshasyn talan-tarajǵa salǵany úshin segiz jylǵa sottalǵan eks-premer Serik Ahmetov úkimetke 150 mıllıon teńge qaıtarýdan bas tartyp otyr. Burynǵy sheneýnik pen aty shýly iske qatysy bar taǵy tórt adamnan qomaqty soma óndirilsin degen sot sheshimi osydan bir aı buryn shyqqan edi.
Bul týraly 31 arna habarlaıdy.
Eks-premer Serik Ahmetov isine qatysty bes sottalýshydan materıaldyq shyǵyn óteýdi talap etken Qaraǵandy qalasynyń ákimi Nurlan Áýbákirovtiń aryzyn sot alqasy jartylaı ǵana qanaǵattandyrypty. Serik Ahmetov pen Baýyrjan Ábdishev bastaǵan eks-sheneýnikter úkimet qazynasyna 148 mıllıonnan astam aqsha qaıtarýy tıis bolǵan. Degenmen sottalǵandardyń ózi sheshimmen kelispeı, appellásıalyq shaǵym túsirdi. Endi úsh birdeı aryz Qaraǵandy oblystyq sotynda qaralmaq.
