Tanymal ánshi Serikbol Saılaýbek qoǵamdaǵy kári qyzdar týraly óz oıyn ashyq aıtyp, aldaǵy ýaqytta tórt áıelge deıin alatynyn jasyrmaı aıtty dep habarlaıdy NUR.KZ.

Ol oqyrmandardyń suraǵyna jaýap berip, óziniń oılarymen bólisti.

"Kári qyzdar sanyn azaıtýǵa qalaı qaraısyz?", - degen suraqqa ánshi bir-aq aýyz sózben jaýap berdi.

"Alla qalasa, aldaǵy ýaqytta áli tórt áıel alamyn. Tekke júrgenshe, odan da bala týyp, qazaqtyń sanyn kóbeıtsin", - dep aǵynan jaryldy ánshi.

"Áli de ǵashyq bolasyz ba?", - degen suraqqa, ol: "Árıne, keıde ádemi qyzdardy unatyp qalam. Biraq barynsha óz-ózimdi ustaımyn. Sezimge erik berýge bolar edi, biraq ondaı arsyz qylyqtan qorqamyn. Óıtkeni biz pendemiz, jyndardyń sózine ilesip ketpeýimiz kerek", - dedi ol.