"Qamshy" portaly buǵan deıin birqatar BAQ betterinde Ózbekstannyń qaıtys bolǵan prezıdenti Islam Karımovtiń qyzy qaıtys boldy delingen aqparatty jarıalaǵan bolatyn. Bul aqparatta BAQ Ózbekstan arnaıy qyzmetindegi derekkózge silteme jasap Karımova 5 qarashada ýlanyp qaıtys bolǵan, sol kúni ol Tashkenttegi "Mınor" zıratynda jerlendi dep jarıalaǵan. Ákesimen araz bolyp, basy daýǵa qalǵan ózbektiń erke qyzy Gúlnára Karımova sońǵy málimetterde úı qamaǵynda ekeni aıtylyp júrgen.
Endi, "Ózbekstannyń birinshi prezıdentiniń úlken qyzy Gúlnara Karımova tiri", - dep habarlady RIA Novostı Karımovtar otbasymen jaqyn aralasatyn derekkózge silteme jasap.
"Gúlnara Karımova tiri, ol qaıtys boldy degen málimet jalǵan", - dedi agenttiktiń derekkózi. Biraq ol onyń qazirgi ýaqytta qaıda ekenin aıtqan joq.
Qyrkúıektiń ekisinde 78 jasqa kelgen Ózbekstannyń birinshi prezıdenti Islam Karımov dúnıeden ozdy. Memleket basshysynyń ýaqytsha mindetin oryndaýshy bolyp premer-mınıstr Shavkat Mırzıóev taǵaıyndaldy.
Aıta ketsek, Tamyzdyń otyzynda-aq Ózbekstanda Islam Karımov qaıtys boldy degen aqparat tarap ketti. Sol kezde ony teristegen jalǵyz aqparatty osy RIA Novostı taratqan edi. Degenmen 2 qyrkúıekte ózbek bıligi Karımovtiń dúnıe salǵanyn resmı jarıalaǵan bolatyn.
