Búgin portal betinde «Ózin Dáýlet Turlyhanov dep tanystyrǵan adam Erbolatqa «Ninety One» toby úshin sógis aıtty (Aýdıo)» degen materıal jaryq kórgen bolatyn.  Qamshy portaly máseleniń anyq-qanyǵyn anyqtaý maqsatynda Dáýlet Turlyhanovqa qońyraý shalǵanyn, alaıda Dáýlet myrzamen baılanys ornatylmaǵandyǵyn tilge tıek etken edi. Birer mınýt buryn ult maqtanyshynyń ózi portal tilshisi Jazıra Baıdalyǵa keri qońyraý shalyp, óz shyndyǵyn baıandady.

Dáýlet Turlyhanov:

«Bul bireýdiń jasaǵan ıntrıgasy. Aýdıojazbada ózin Dáýlet Turlyhanov dep tanystyrǵan daýystyń ıesi men emespin. Erbolat Bedelhanmen bul másele boıynsha sóılesken joqpyn. Kim ne úshin, qandaı maqsatta meniń atymdy paıdalanyp otyr túsinbedim. Shyn aıtsam, «Ninety one» degen top baryn da bilmeppin. Jańa ǵana Mádenıet jáne sport mınıstri Arystanbek Muhamedıuly oryn alǵan jaıtty joqqa shyǵarýymyz qajet dep habarlasqan bolatyn. Men taǵy da qaıtalap aıtaıyn, bul bireýdiń ıntrıgasy, qatty tańyrqap otyrmyn».

Qamshygerler atyshýly toptyń prodúseri Erbolat Bedelhanǵa qońyraý shaldy. Erbolat myrzanyń uıalysy óshirýli.