Buǵan deıin Ózbekstannyń 2 aı buryn qaıtys bolǵan uzaq jyldar basqarǵan prezıdenti Ilsam Karımovtiń qyzy Gúlnara Karımova qaıtys boldy degen aqparat taraǵanyn jazǵan edik. Gúlnara Karımovanyń uly Islam Karımov BBC ózbek qyzmetine bergen suhtanyda anasynyń ólimi týraly habardy joqqa shyǵarǵan. "Anam 2014 jyldyń aqpanynan beri úı qamaýynda. Qaryndasym qamaýda emes, biraq elden kete almaıdy. Ózim qazir Londondamyn", - dep málimdegen Karımov Tengrinews.kz aýdarǵan aqparatta.
Ol osyǵan deıin Facebook jelisindegi "Detı Karımova" paraqshasynda jarıalanǵan hatyn ózi jazǵanyn rastady. Hatynda ol anasymen habarlasa almaǵanyn jazady. Al tiri ekenin qaryndasy Imannan bilipti. "Men Ózbekstannyń Londondaǵy elshiligine habarlasqym keldi, biraq qaryndasym habarlasyp, barlyq qaýesetti teristedi. Jurtqa aıtqym keletini anam qaryndasymmen birge Tashkentte jáne onyń jaǵdaıy jaqsy. Anamdy eshkim de jyndyhanaǵa jatqyzǵan joq. Ol Ózbekstannan ketken joq. Osy ýaqyt boıy Imanmen birge Tashkentte boldy", - dep sendirdi Islam Karımov.
Eske salaıyq, osyǵan deıin BAQ-tar Ózbekstannyń Ulttyq qaýipsizdik qyzmetindegi derekkózge silteme jasaı otyryp, Gúlnara Karımovan qaıtys boldy dep habar taratqan edi. Ózbekstannyń qaıtys bolǵan prezıdentiniń úlken qyzy 5 qarashada ýlanyp óldi delinip, sol kúni Tashkenttegi "Mınor" zıratynda jerlendi delingen bolatyn.
