NASA 22 qarashada jasaǵan málimdemesinde Mars betinde úlken muz aıdyny tabylǵanyn jarıalady.

Málimdemege saı, tabylǵan muzdy teńiz  AQSH-tyń  Superior kóliniń aýdanymen birdeı. Bundaı zertteý nátıjesine Mars orbıtasyn úzdiksiz baqylaýdan keıin qol jetken.

Tehas ýnıversıteti ǵalymdarynyń baqylaýy boıynsha, muz aıdyny Marstyń Utopia Planitia aımaǵynda. Atalǵan muz aıdyny boıynsha zertteý jumystary Marsty tanýda úlken mańyzǵa ıe bolmaq.

Ǵalymdar Marstaǵy sý kózderiniń taralýy men belgili bir ýaqytta joq bop ketýi nemese muz bop qatýy týraly zertteýler jasap keledi. Zertteý nátıjeleri Marstyń ótken tarıhyndaǵy úlken kólderi men ózenderi boldy degen boljam týdyrady. Degenmen, sol sý kózderiniń qazir nege joǵalyp ketkenin anyqtaý asa mańyzdy bolyp tur.

NASA, bul sý kózderiniń aldaǵy ýaqytta Jerden ushqan ǵaryshkerler úshin sý kózi bolyp, qajetke jaraýy múmkin ekendigin de aıtady.

1-10 metrlik topyraq qabatynyń astyndaǵy muz tekshesi Mars atmosferasynyń saqtalýy úshin mańyzǵa ıe. Qatty tereń bolmaǵany úshin de aldaǵy ýaqytta ǵaryshkerlerge qoldanýǵa qoljetimdi bolmaq.  Zertteýshiler jalpy tereńdigi 80 men 170 metr tereńdigindegi muz aıdynynda suıyq sýdyń bar-joǵyn da zerdeledi. Nátıjege saı, muz tekshesi túgeldeı muz kúıinde.

Degenmen atalǵan muzdy tekshede eshqandaı erý prosesi baıqalmaıdy. Olaı bolǵan jaǵdaıda Marstan mıkroorganızmderdi de keziktirýge bolar edi. Sondaı-aq tabylǵan muz Mars klımatynyń aýytqymalylyǵynyń da syryn ashýǵa sep bolmaq.