Aǵymdaǵy jyldyń basynan bastap Ońtústik Qazaqstannan Ózbekstan Respýblıkasyna 92,4 myń tonna dándi daqyl eksporttaldy, dep habarlady oblystyń statısıka departamenti.

Oblysta ósimdik sharýashylyǵy ónimin damytýdyń mańyzdy baǵyttarynyń biri astyq ósirý bolyp tabylady. Aı saıynǵy monıtorıń jumysyna sáıkes, 2016 jyldyń 1 qyrkúıektegi jaǵdaıy boıynsha, oblysta dándi- daqyldar 121,1 myń tonnany qurady.

Jyl basynan bastap 1025,1 myń tonna astyq kiriske alyndy, onyń ishinde satylym – 943,4 myń tonna, tuqymǵa – 8,5 myń tonna men jem-shópke-73,2 myń tonna. Olardyń negizgi úlesi 89,3 paıyz.

Departamentte aǵymdaǵy jyldyń basynan bastap oblystan 92,4 myń tonna dándi- daqyl eksporttalǵany aıtyldy, ol ótken jylǵymen salystyrǵanda 12,1 paıyzǵa kóp. Astyq Ózbekstan Respýblıkasyna eksporttaldy. Al astyqtyń ımporty 0,1 tonna myń tonnany qurady, astyq Irannan ákelindi.

OQO ákimdigi baspasóz qyzmetiniń málimetinshe, bıyl egin sharýashylyǵy boıynsha aýyl sharýashylyǵy daqyldarynyń kólemi ótken jylmen salystyrǵanda 12,8 myń ga. artyp, 788,6 myń ga boldy.

Ortasha eseppen respýblıka boıynsha óndirilgen maqtanyń - 100 %, júzimniń - 65 %, baqshanyń - 66 %, maqsarynyń - 40 %, jemis-jıdektiń - 31 %, kókónistiń - 24 % oblystyń enshisinde.