Sońǵy statısıka boıynsha Ońtústik Qazaqstan oblysyndaǵy sharýashylyqtardyń barlyq sanatynda 921434 iri qara bar. Sandy naqtylaı tússek, osynshama iri qaranyń 26,6 myńy aýyl sharýashylyǵy kásiporyndarynyń, 64,9 myńy sharýa jáne fermerlik qojalyqtarynyń, al, qalǵan 829 myńy halyqtyń úlesine tıesili.

Oblysta jylyna 110 myń tonna et óndiriledi. Onyń 48 myń tonnasy – sıyr eti. Bir adamǵa etten jyldyq qajettilik 38 kelini, sonyń ishinde iri qara mal eti 15,5 kelini quraıdy. Bizde jylyna 2840 myń adam 44 myń tonna iri qara mal etin tutynady. Bıyl 107 tonna et shetelge eksporttaldy. Keleshekte eksport kólemin 2 myń tonnaǵa deıin jetkizý kózdelýde.

Memlekettik baǵdarlama sheńberinde 2014-2015 jyldary 9999 joba iske asyryldy. Osylardyń ishinde 4,8 myń jobany júzege asyrýǵa 12,2 mlrd. teńge jumsaldy. Bul jobalardyń arqasynda 8102 shaǵyn mal bordaqylaý alańy, 1768 otbasylyq sút fermasy, 104 sút qabyldaý beketi, 25 STK quryldy. Nátıjesinde 12,5 myń turaqty jumys orny ashylyp, 63,3 myń tonna et, 68,1 myń tonna sút óndirilýde. Aǵymdaǵy jyldyń alǵashqy alty aıynda qosymsha 1999 mal bordaqylaý alańy, 517 otbasylyq sút fermasy ashyldy. Sharýashylyqtyń barlyq sanatynda 508394 myń tonna sút óndirildi.

 Oraztaı ÚSIPBAEV, OQO aýyl sharýashylyǵy basqarmasy mal sharýashylyǵy jáne mal tuqymyn asyldandyrý bóliminiń bas mamany.