Ońtústik Qazaqstan  oblysy jylyna 738,4 myń tonna sút jáne sút ónimderi qajet bolsa, búgingi tańda bul ónimderden naqty óndiriletini – 710,6 myń tonna. Iaǵnı, suranystyń 96 paıyzyn ózimiz jaýyp otyrmyz. Óńirde iri, orta jáne shaǵyn sút óndirýshi 61 agroqurylym jumys isteýde. Sonyń ishinde irileri – altaý. Arys qalasynda ornalasqan «Qazyna jer LTD» JSHS 2013 jyly Kanadadan 389 Golshtın tuqymdy sútti iri qara mal satyp alady. Búginde mal sany 890 basqa jetti. Onyń 670-i – analyq. Ár saýyn sıyrdan ortasha 25 lıtrden sút alynýda. Vengrıadan dál osy tuqymdas 272 sıyr satyp alǵan Ordabasy aýdanyndaǵy «Bórte Mılka» JSHS jańa tehnologıa boıynsha ár sıyrdan orta eseppen 30 lıtrden sút alýda. Sol sekildi saryaǵashtyq «Fırma Sáken» JSHS-niń Golshtın tuqymdy 510 sıyrynyń árbiri 26 lıtrden sút berýde. Al, Saıramdaǵy «Gúljámıla» JSHS, Túlkibastaǵy «Dos bı» JSHS jáne Tólebı aýdanyndaǵy «Atameken NAN» JSHS-inde árbir saýyn sıyrdan saýylatyn sút mólsheri orta eseppen – 15 lıtr.

 300-deı saýyn sıyr ustaıtyn ortasha sút fermalarynan «Olja Qurbanov» ÓK, «Nýramıdın ata» SHQ, «Mankent-Stroı» SHQ, «Ýzbekova» SHQ jáne «Aq altyn bereke» JSHS-in ataýǵa bolady. Bul sharýashylyqtarda ár sıyrdan alynatyn súttiń kólemi 10-12 lıtrdi quraıdy. Oblysta sıyr sany 50-100-ge deıin jetetin 50 shaǵyn sút fermasy bar. «Mal sharýashylyǵyn damytýdyń 2014-2016 jyldarǵa arnalǵan is-sharalar jospary» aıasynda óńirde otbasylyq sút aýlalary qurylǵan. Búginde olardyń sany 1762-ge jetti. Osy sharýashylyqtarda 14 myń sıyr baǵylýda. Derekter boıynsha otbasylyq sút aýlalary arqyly 35 myń tonna sút óndirilgen.

Joǵaryda atalǵan iri, orta jáne shaǵyn sút fermalarynda óndirilgen súttiń árbir kelisine 10 teńgeden sýbsıdıa tólendi. Al, bıyl «Qazyna jer LTD» JSHS-ne QR Aýyl sharýashylyǵy mınıstrliginiń sýbsıdıalaý týraly erejesi men talaptaryna sáıkes óndirgen árbir súttiń lıtrine 25 teńgeden sýbsıdıa berildi.

Oraztaı ÚSIPBAEV, OQO aýyl sharýashylyǵy basqarmasy mal sharýashylyǵy jáne mal tuqymyn asyldandyrý bóliminiń bas mamany.