Burynǵy Ózbekstan prezıdentiniń qyzy Gúlnár Karımovanyń uly kishi Islam Karımov anasy ekeýine qastandyq jasalaǵanyn moıyndady dep habarlaıdy Nur.kz.

"Anam ekeýmizdi osydan eki jyl buryn ýlandyrmaqshy boldy. Bul quramynda aýyr metaladar bar qospa. Meniń aǵzamnan metaldyń 6 túri, al anamnan odan da kóp tabyldy", - dep áńgimeledi Karımovtiń nemeresi BBC-diń ózbek qyzmetine.

Aıta keteıik, BAQ-ta Gúlnár Karımovanyń ýlanyp qaza bolǵany jaıly aqparat tarap ketken bolatyn. Alaıda onyń uly anasynyń ólimin joqqa shyǵaryp, aqparattyń jalǵan ekenin málimdegen.

Kishi Islam Karımov óziniń Londonda turatynyna qaramastan Ózbekstandaǵy anasymen únemi baılanysta ekenin jetkizdi.

"2014 jyldyń aqpan aıynan bastap meniń anam áli kúnge deıin úıqamaqta otyr", - dep atap ótti ol.

Aıta keteıik, Gúlnár Karımova 2014 jyldan beri úıqamaqta otyr. Oǵan syrtqy álemmen aralasyp, áleýmettik jelilerdi paıdalanýǵa tyıym salynǵan.