«Polıfonıa» ádebıet festıvali men Almatylyq Ashyq Ádebı Mektep (OLSHA) Almaty qalasynyń Mádenıet Basqarmasynyń qoldaýymen «Otandasyńdy oqy» jobasynyń sheńberinde syn pikir jazý baıqaýyn jarıalaıdy.
Baıqaý erejeleri:
1. Kitaptarǵa qazaq, orys tilderinde jazylǵan syn pikirler jáne resenzıalar qabyldanady (kólemi: 300 – 1000 sóz).
2. Syn pikir qazaqstandyq avtordyń kitabyna nemese shyǵarmasyna (kórkem ádebıetke: proza, poezıa, dramatýrgıaǵa nemese derekti ádebıetke) jazylýy qajet.
3. Zamanaýı, ıaǵnı 1991 – 2016 jyldarynda jazylǵan ádebıetke artyqshylyq beriledi. Bookmate elektrondy kitaphanasyndaǵy «Otandasyńdy oqy» sóresiniń kitaptaryn mysal retinde qarastyrýǵa bolady. Eger sizder qazaq ádebıeti klasıkteriniń shyǵarmalaryna nemese Keńes dáýirindegi ádebıetke jańasha kózqaraspen jazýdy qalasańyzdar, shekteý qoıylmaıdy.
Jarıalaný erejeleri:
1. Baıqaýǵa resenzıalardy litfest.kz@gmail.com elektrondy poshtasyna 2016 jyldyń 25 qarashasyna deıin joldaýyńyz qajet. İlespe hatynda resenzıa avtorynyń aty-jóni jáne telefon nómiri, taldanǵan kitaptyń ataýy men avtory kórsetilgen bolý kerek.
2. Sonymen qatar resenzıalardy Facebook áleýmettik jelisinde jarıalaýǵa bolady. Ol úshin «Polıfonıa» festıvali paraqshasynan nemese Almatylyq Ashyq Ádebı Mekteptiń paraqshasynan (OLSHA) baıqaý týraly habarlandyrýǵa repost jasaýlaryńyz kerek. Jáne osy repostqa komentarı retinde syn pikirińizdiń nemese resenzıańyzdyń mátinin qosýlaryńyz kerek. Resenzıa basynda nemese sońynda #otandasyńdyoqy heshtegi bolý kerek. Habarlamańyzǵa barlyǵy qol jetkize alatyn " baptaýymen jarıalanǵan bolý kerek.
3. Elektrondy poshtaǵa jiberilgen resenzıalar da Facebook jelisindegi Polıfonıa ádebıet festıvaliniń paraqshasynda #otandasyńdyoqy heshtegimen jarıalanady.
Baǵalaý jáne nátıjeler
1. Baıqaýǵa resenzıalar 2016 jyldyń 25 qarashasyna deıin qabyldanady.
2. Baıqaý nátıjeleri 2016 jyldyń 2 jeltoqsanynda jarıalanady.
3. Baıqaýdyń aqtyq synyna shyqqandardyń barlyǵy Bookmate (www.bookmate.com) elektrondy kitaphanasyna jyldyq tegin jazylym ala alady jáne Almatyda 2016 jyldyń jeltoqsan aıynda ótetin ádebı syn semınarlaryna shaqyrylady (ókinishke oraı, jobanyń uıymdastyrýshylary basqa qalalarda turatyn qatysýshylarǵa jol shyǵyndaryn men Almatyda jatyn oryndarǵa baılanysty shyǵyndardy tóleı almaıdy, biraq óz qarajatymen kelgen qatysýshylardy qyzyqty semınar jáne uıymdastyrýshylardyń qonaqjaılylyǵy kútetin bolady). Baıqaýdyń eki bas júlde ıegerine – Samsung planshetteri.
Qazylar alqasynyń quramyna qazaqstandyq, sheteldik ádebıet synshylary kiredi.
* Resenzıa – belgili bir týyndy, qoıylym, fılm týraly aıtylǵan pikir
