Búgingi kúni Qazaqstanda eki Jerdi qashyqtyqtan zondtaý (JQZ) spýtnıginen – «KazEOSat-1» (keńistiktik aıyrý qabileti joǵary – 1 m.) jáne «KazEOSat-2» (keńistiktik aıyrý qabileti ortasha – 6,5 m.) JQZ ǵarysh apparattarynyń orbıtalyq toptamasy sátti jumys istep tur. Olar qazir respýblıkadaǵy aýyl sharýashylyǵy, tótenshe jaǵdaılar, ekologıa men tabıǵatty paıdalaný, jerdi paıdalaný, geodezıa, kartografıa, qorǵanys jáne ulttyq qaýipsizdik mindetterin sheshý úshin JQZ derekterine táýelsiz jáne shuǵyl túrde qol jetkizý turǵysynan elimizdiń qajettilikterin tolyq qamtamasyz etedi.

JQZ ǵarysh júıesi tájirıbelik paıdalaný kezeńinde (2014-2015 j.j.) memlekettik organdarǵa naryqtyq baǵasy shamamen 5,4 mlrd. teńgeni quraıtyn 7,4 mln.sh.km kólemindegi aqysyz negizde ǵarysh túsirilimderin bergen bolatyn.

Jerdi qashyqtyqtan zondtaýdyń ulttyq ǵaryshtyq júıesi ótken jyly komersıalyq qurylymdarǵa jalpy somasy 133,6 mln. teńge kóleminde qyzmet kórsetkenin atap ótken jón.

2016 jyldyń 1 qyrkúıeginde Qazǵarysh Qazaqstannyń memlekettik organdaryna jáne olardyń uıymdaryna 10 mln. sh.km. aýmaqtyń túsirilimderin usyndy. Bul túsirilimderdiń komersıalyq quny 6,27 mlrd. teńgeni qurady.