«Qazgeologıa» AQ Qaraǵandy oblysynyń Kereı-Opar ýchaskesinde burǵylaýdyń ár túrleri boıynsha keń aýqymda jumys isteı alatyn «DandoWatertec» markaly jańa, kóp fýnksıaly, ózdiginen júretin 2 burǵylaý qondyrǵysyn paıdalanyp jumys júrgizý bastaldy.

«Qazgeologıa» AQ óndiriske engizip otyrǵan bul qondyrǵyny álemdegi áıgili «Dando Drilling International» kompanıasy shyǵarǵan. (Ulybrıtanıa).

Kereı-Opar alańyndaǵy geologıalyq barlaý jumystaryn kompanıa memlekettik tapsyrys sheńberinde júrgizýde. Jumystardyń jalpy alańy 1728 sh. km, onyń ishinde geofızıkalyq jumystar ýchaskesinde shamamen 200 sh. km.quraıdy. Aǵymdaǵy jyly ýchaskede tereńdigi 140-tan  300 metrge deıin, jalpy kólemi 3200 q.m. 15 uńǵymany burǵylaý josparlanýda. Búgingi tańda shamamen 500q.m. burǵylandy. Jumys josparyna sáıkes   ýchaskeni burǵylaý jumystaryn bıyl qarashanyń alǵashqy onkúndiginde aıaqtaý kózdelýde.

Alańda burǵylaý jumystary júrgiziletin 7 perspektıvaly ýchaske anyqtaldy. Ýchaskelerdiń geologıalyq tabıǵaty zerthanalyq jumystardy júrgizý prosesi kezinde anyqtalatyn bolady.