Dóńgelek ústelge QR Investısıalar jáne damý mınıstriniń keńesshisi Táńirbergen Berdiońǵarov, QR IDM Týrızm ındýstrıasy departamentiniń dırektory Marat Igalıev, Astana týrızm qaýymdastyǵynyń ókili Ómirzaq Iýsýpov jáne elimizdegi týrısik salanyń basqa da ókilderi qatysty.
Qatysýshylardyń aıtýynsha, búgingi tańda týrızmniń eldiń JİÓ úlesi shamamen 0,9% quraıdy. Memlekettik qoldaý salany turaqty damytýda asa qajetti jaǵdaı bolyp tabylady. Týrısik ınfraqurylymdy damytyp, jeke ınvestorlar tartýǵa qolaıly jaǵdaı jasaý úshin, sonymen birge, týrısik ındýstrıa sýbektileri qyzmetin qolaıly ekonomıkalyq jaǵdaımen qamtamasyz etetin quqyqtyq-normatıvtik baza qalyptastyrýda memlekettik saıasatty belsendi júrgizý qajet, deıdi jınalǵandar.
QR IDM Týrızm ındýstrıasy departamentiniń málimetterine súıensek, qazir elimizde ishki týrızmniń qarqyndy damýy baıqalýda. Týrızmniń negizgi úlesin ishki týrıser jáne halyqaralyq iskerlik saparlar qurap otyr.
Dúnıejúzilik ekonomıkalyq forýmnyń málimeti boıynsha, Qazaqstan týrızm básekelestigi reıtıńinde álemniń 140 eliniń ishinde 85-shi orynda. Mınıstrlik jyl saıyn halyqaralyq jáne eki qazaqstandyq kórmege qatysyp, elimizdiń týrısik áleýetin nasıhattaýda.
QR IDM Týrızm ındýstrıasy departamentiniń dırektory M.Igalıev atap ótkendeı, 2017 jyly Almatyda 28-shi Búkilálemdik Qysqy Ýnıversıada jáne «Astana-EKSPO 2017» halyqaralyq mamandandyrylǵan kórmesi sıaqty aýqymdy is-sharalar ótkizý josparlanǵan. Atalǵan sharalardyń nátıjesinde álemniń Qazaqstanǵa degen qyzyǵýshylyǵy artady degen úmit bar.
EKSPO 2017 halyqaralyq mamandandyrylǵan kórmesine týrıser tartý boıynsha is-sharalar jospary bekitildi.
Mınıstrlik memlekettik jáne jergilikti organdarmen birlesip, Astanaǵa jáne EKSPO-2017-ge keletin negizgi týrısik baǵyttardy anyqtaý boıynsha jumystar júrgizdi. 73 baǵyttyń reestri ázirlendi. Qazirgi ýaqytta aımaqtar baǵyttardy tanystyrý jáne jarnamalyq-polıgrafıalyq ónimder shyǵarýmen belsendi aınalysýda.
Sonymen qatar, Astana men basqa qalalarda kóliktiń qoljetimdiligi qarastyrylýda. EKSPO-2017 bastalǵanǵa deıin múmkindigi jylyna 7 mln. jolaýshyny ótkizýge qaýqarly Astana qalasynyń jańa áýejaı termınaly salynatyn bolady. Sonymen birge negizgi týrısik baǵyttardy qamtamasyz etý boıynsha keshendi sharalar qarastyrylyp otyr (jol boıyndaǵy ınfraqurylym, aýdıogıdter, týrısik nysandarǵa aparatyn joldardy qaıta jańǵyrtý).
Sondaı-aq, Qazaqstan Túrkıa Respýblıkasy, Qytaı Halyq Respýblıkasy, Birikken Arab Ámirligi men Taıland Koróldigi sıaqty elder úshin «týrısik donor» bolyp tabylady. Qytaı týrıseriniń kelýin ulǵaıtý maqsatynda ótken jyldyń jeltoqsan aıynda Mınıstrlik «Qytaı týrıseri úshin jeńildetilgen toptyq vıza týraly» ADS memorandýmyn bekitken bolatyn (Approved Destination Status).
Bıyl 21 qazanda QR Úkimetiniń «Syrtqa shyǵý týrızmi salasynda azamattardyń quqyǵyna kepildik berý júıesin iske qosý Erejesin bekitý týraly» Qaýlysy bekitilgen bolatyn.
Atalmysh júıede kelesi máselelerdiń rettelýi qarastyrylǵan: týroperatorlardyń rastalǵan qarjylyq jaǵdaılary, shet elderde Qazaqstan týrıserine shuǵyl jaǵdaılarda kómek kórsete alý múmkindikteri, naryq monıtorıńi men quzyretti organdarǵa aqparat berý, týrıser úshin senim telefonyn qosý, týrkompanıalar men týrıserge keńes berý.
Banktik kepildigi somalarynyń mólsheri kelesidegideı anyqtaldy. Týroperatorlar úshin – 5 000 AEK nemese 10 605 000 teńge, áýe kemesin jaldaýshy-týroperator úshin – 15 000 AEK nemese 31 815 000 teńge. Qazaqstan Respýblıkasynyń azamatyna týragent arqyly satylatyn árbir týrısik ónimnen aýdarylǵan – 0,5 AEK nemese 1 061 teńge somasynda bolady.
Anyqtama.
2016 jyldyń qańtar-maýsym aılarynyń qorytyndysy boıynsha ishki týrıser 5,8%-ǵa artty nemese 2,1 mln. adamdy qurady. (2015 jyldyń qańtar-jeltoqsan aılarynda ishki týrıser sany 4,1 mln. adamdy quraǵan)
2016 jyldyń qańtar-maýsym aılarynda kýrortty aımaqtarǵa 217,1 myń ishki jáne 5 myń syrttan kelgen týrıs barǵan. (2015 jyldyń qańtar-jeltoqsan aılarynda kýrortty aımaqtarǵa 521 myń ishki jáne 9 myń syrttan kelgen týrıs barǵan.)
