2016 jylǵy 26 qazanda Qazaqstan Respýblıkasynyń Investısıalar jáne damý mınıstrliginiń medıa-ortalyǵynda vıse-mınıstr B.Kamalıev, sondaı-aq, Azamattyq avıasıa jáne Kólik komıtetteriniń tóraǵalary B.Seıdahmetov jáne A.Asaýbaevtyń qatysýymen baspasóz-konferensıasy ótti.
Spıkerler jýrnalıserge «Nurly jol» memlekettik baǵdarlamasynyń, «100 naqty qadam» Ult josparyn júzege asyrýdyń aralyq nátıjeleri, sonymen birge, elimizdiń kólik-logıstıkalyq áleýetin odan ári damytý boıynsha mınıstrliktiń atqaryp jatqan jumystary týraly aıtyp berdi.
Bıyl 9 aıda «Nurly jol» baǵdarlamasy aıasynda qaıta jańǵyrtylyp jatqan joldardaǵy josparlanǵan qurylys jumystarynyń 75%-y aıaqtaldy. Jer tósemderiniń qurylysy, negizgi qabat jabdyqtaryn tóseý, jasandy ǵımarattar men kópirlerdegi jumystar oryndaldy.
Ýchaskelerde 756 shaqyrymǵa asfáltti jáne sement betondy jabyndar tóseldi. Shamamen 3 mln. tonna qıyrshyq tas, 250 myń tonna sement, 125 myń tonna bıtým paıdalanyldy. Bular otandyq ónimder. Bul jumystarǵa 75 myń adam, 30-dan astam merdiger uıym jumyldyryldy. Olardyń 20-sy otandyq kompanıa.
Buǵan deıin habarlaǵanymyzdaı, jyl sońynda «Batys Eýropa – Batys Qytaı» tranzıttik dálizi qozǵalysyn ashý josparlanýda. Sonymen qatar, Astana-Temirtaý, Almaty-Qapshaǵaı-Taldyqorǵan, Beıneý-SHetpe jáne Kókshetaý-Petropavl baǵyttary da ashylady.
«Ortalyq-Ońtústik, Ortalyq-SHyǵys, Beıneý-Aqtaý, Aqtóbe-Atyraý-Astrahan, Almaty-Óskemen, Astana-Petropavl-Reseı Federasıasynyń shekarasy, Oral-Kamenka, Uzynaǵash-Otar, Jetibaı-Jańaózen jobalaryndaǵy jumystar jalǵasatyn bolady. Jalpy 6000 shaqyrymǵa jýyq joldy qaıta jańǵyrtý josparlanyp otyr», - dep atap ótti B.Kamalıev.
Sonymen birge, mınıstrlik áleýmettik mańyzy bar baǵyttar boıynsha jolaýshylar tasymalyn sýbsıdıalaýdyń jańa mehanızmin engizdi. Tıisti Zańǵa Qazaqstan Respýblıkasynyń Prezıdenti 2016 jyly 9 sáýirde qol qoıdy.
Jańa mehanızm sýbsıdıalaý júıesiniń ashyqtyǵyn qamtamasyz etýge jáne temirjol jolaýshylar tasymaly salasyna ınvestısıa tartýǵa baǵyttalǵan. Sondaı-aq, jolaýshylar tasymalyn ortasha 15-20 jylǵa uzaqmerzimdi qarjylandyrý kózdelip otyr. Bul zaemdyq qarjylar jolaýshylar vagonyn satyp alýǵa ınvestısıa tartýǵa jáne jańa tehnologıalardy keńeıtýge múmkindik beredi. Osylaısha, jolaýshylar tasymaly sapasyn arttyrýdy qamtamasyz etetin bolady.
Mınıstrlik otandyq jáne halyqaralyq avtomobıl tasymaly salasyn arttyrý boıynsha josparly jumys júrgizip jatyr. 2016 jyly avtobýs parkin 10% jańartý kózdelýde jáne halyqaralyq naryqta qazaqstandyq tasymal úlesin 43% deıin ulǵaıtý josparlanýda.
Budan bólek, QR IDM qazirgi ýaqytta Astana áýejaıynyń jolaýshylar termınalyn qaıta jańǵyrtý jumystaryn jalǵastyrýda. Bıyl jyl sońyna deıin Petropavl qalasy áýejaıynyń áýevokzaly men ushý-qoný jolaqtaryn qaıta jańǵyrtý jumystaryn aıaqtaý kózdelýde. 2017 jyldyń basynda Semeı áýejaıyndaǵy ushý-qoný jolaqtaryn qaıta jańǵyrtý josparlanyp otyr. 2020 jyldyń sońyna deıin Qostanaı men Óskemen áýejaılarynyń ushý-qoný jolaqtary qaıta jańǵyrtylady.
«100 naqty qadam» Ult jospary aıasynda Almatyda halyqaralyq avıasıalyq hab qurý boıynsha jumystar júrýde. Osy jumystar sheńberinde jańa áýejaı qurylysy arqyly áleýetti ınvestorlardy tartý kózdelýde.
Sondaı-aq, Ult josparynyń 73-qadamyn oryndaý sheńberinde astananyń halyqaralyq qarjy ortalyqtarymen baılanysyn qamtamasyz etý boıynsha jumystar júrgizilýde. Búgingi kúni Astanadan 5 halyqaralyq qarjy ortalyǵyna tikeleı ushý oryndalady (Frankfýrt, London, Dýbaı, Gonkong, Seýl). Sondaı-aq, Vena, Parıj, Abý-Dabı, Pekın, Stambýl, Úrimshi, Bangkok, Shardja, Mınsk, Máskeý, Baký, Tashkent, Kıev, Bishkek, Tbılısı jáne t.b. qalalarǵa tikeleı reıster júzege asyrylady. 2017-2020 jyldary Tokıo, Sıngapýr, Shanhaı jáne Nú-Iorkpen áýe qatynastaryn ashý josparlanyp otyr.
