2016 jylydyń 10 aıynda Almatyǵa eń kóp oralmandar Ózbekstan men Qytaıdan keldi, dep habarlaıdy «Qamshy» portaly. Bul týraly Almatyda Memlekettik eńbek jáne kóshi-qon ınspeksıasy basqarmasynyń basshysy Ǵadilbek Qarabalaev 2016 jylǵy 10 aıda zańnamanyń saqtalýyna memlekettik baqylaýdy júzege asyrý jumystarynyń qorytyndysynda  aıtqan.

«Oralmandardyń shyqqan elderi negizinen Ózbekstan – 180 adam nemese  48,1%, Qytaı Halyq Respýblıkasynan - 165 adam nemese -  44,1%, Qyrǵyzstan - 10, Reseı-2, Tájikstan -2, Túrkimenstan 7, Ázerbaıjan -1, Mońǵolıa - 2, Túrkıa - 1», - dedi Ǵ. Qarabalaev beısenbi kúngi baspasóz máslıhatynda. 
Bul rette ol, jyl basynan beri oralman mártebesi 374 etnıkalyq qazaqqa berilgenin atap ótti. Kelgen oralmandardyń ishinde er adam - 69, áıelder - 205. Jumysqa qabiletti jastaǵy adamdar - 231.