Kýba revolúsıasynyń lıderi Fıdel Kastro qaıtys boldy. 90 jasynda ómirden ozǵan álemdik saıasatkerdiń qazasyn Kýba memlekettik telearnasy estirtti.

Kýba tóńkerisshisi, memlekettik saıası qaıratker Fıdel Alehandro Kastro Rýs Kýbanyń shyǵys bóligindegi Bıran qalasynda 1926 jyly 13 tamyzda týǵan.  

Otbasy - Orıent provınsıasyndaǵy iri qant plantasıasynyń ıeleri bolǵan.

Jastaıynan bilimge qushtar  Fıdel Kastro 1945 jyly Gavan ýnıversıtetine oqýǵa túsedi. Quqyq salasyn jetik meńgergen ol stýdenttik jyldarda saıası qyzmetke belsene aralasady.

Kýbalyqtar úshin kóshbasshy Fıdel Kastronyń týǵan kúnin atap ótý  ulttyq mereke aınalǵan.

1963 jyldyń 23 mamyrynda Fıdel Kastro Keńes odaǵynyń batyry ataǵyn aldy.

Ol, 16 aqpan 1959 jyl — 24 aqpan 2008 jyl Kýba Mınıstrler keńesiniń 15-shi tóraǵasy boldy.

2 jeltoqsan 1976 jyl — 24 aqpan 2008 jyl Kýba Memlekettik keńesiniń tuńǵysh tóraǵasy boldy.

Kýbanyń basshylyǵyna 1959 jyly kelgen ol, memleketti attaı 50 jyl basqarǵan. F. Kastro óziniń densaýlyǵyna baılanysty 2008 jyly 24 aqpan kúni bılikten ketetinin málimdep, ornyna baýyry Raýl Kastro Parlament otyrysynda  taǵaıyndaǵan bolatyn.  Sońǵy ret Fıdel Kastro bıyl tamyzdyń 13-i kúni óziniń 90 jyldyq mereıtoıyna arnalǵan saltanatty sharaǵa qatysqan kezde jurtqa kóringen.

«Eger el basqarýdyń jaýapkershiligin budan ári de óz moınyma ilsem, onda meniń munym óz ar-uıatyma, óz abyroıyma kir keltirý bolyp tabylar edi. Óıtkeni meniń qazir densaýlyǵym joq. Qartaıdym, aýrý-syrqaýmyn…» degen edi F. Kastro.