Seýl turǵyndary prezıdent Pak Kyn He otstavkaǵa ketsin dep kóshelerden taramaı tur.
BBC habarlaǵandaı, Koreıada prezıdentke qarsy aýqymdy mıtıń ótip jatyr. «Prezıdent otstavka ketsin» degen talappen Seýl kóshelerinde halyqtyń qarsylyq kórsetkenine aıdan astam ýaqyt boldy. Mıtıńti uıymdastyrǵandar bul joly nashar aýa raıyna qaramaı qarsylyq bildirip, kóshege shyqqandardyń sany 1,5 mln bolady dep kútip otyr.
Seýl ákimshiligi mıtıńte qaýipsizdikti saqtaý úshin 25 myń polıseı daıyndaǵan. BAQ-tyń jazýynsha, qalanyń soltústigindegi prezıdenttiń resmı rezıdensıasy Kók úıge barar jolǵa ereýilshiler tolyp qalǵan. Demonstranttar «Pak Kyn Hede el basqaratyndaı bazalyq sapa joq» dep málimdedi.
Aıta ketsek, buǵan deıin Koreı Prokýratýrasy prezıdent kómekshisi Chhve Sýn Sıldi aqsha daýyna baılanysty aıyptaǵan bolatyn. 20 qarashada oǵan bılikti asyra paıdalaný boıynsha resmı aıyp taǵyldy. Konstıtýsıaǵa saı, prokýratýra qyzmet atqaryp otyrǵan prezıdentke qylmystyq aıyp taǵa almaıdy.
64 jastaǵy Pak Kyn He – Ońtústik Koreıanyń 11 Prezıdenti. Ol burynǵy Prezıdent Pak Chon Hıdiń qyzy. Pak Kyn He el basshysy laýazymyna 2013 jyldyń 25 aqpanynda otyrǵan. Ol úılenbegen, balasy joq.
