Shymkentke Chılı Respýblıkasynyń qurmetti konsýly Leonıdom Sheıngezıhtom keldi. Bul týraly Shymkent qalasy ákiminiń baspasóz qyzmeti habarlady.
Eki jaqty kezdesý barysynda sheteldik qonaq Chılıdiń aýyl sharýashylyǵy, medısınalyq tehnıkany óndirý, topyraq resýrstaryn jáne týrızmdi damytý, óndirý kezinde paıdalanylatyn óńdeý zaýyttaryn salý, ekonomıkalyq jáne ınvestısıalyq múmkindikteri týraly áńgimelep berdi. Sondaı-aq, Qazaqstan-CHılı arasyndaǵy tehnologıa naryǵyn qoldaný jóninde mysaldar keltirdi.
Óz kezeginde, qala ákiminiń orynbasary Qaırat Nurtaı men apparat basshysy Rashıd Aıýpov Shymkent qalasynyń agrorlyq saladaǵy bolashaq múmkindikteri týraly aıtyp, iri kásiporyndar óz taýarlaryn eksporttaýǵa qabiletti ekendigin tilge tıek etti. Kezdesý barysynda qala irgesindegi qorǵasyn-fosfat qaldyqtardy qortý jumystaryna sheteldik mamandardy shaqyrdy.
Sonymen qatar, Chılı Respýblıkasynyń qurmetti konsýly Leonıdom Sheıngezıhtom Shymkent pen Arıka qalalary arasynda ekonomıkalyq yntymaqtastyq qarym-qatynasty damytýǵa shaqyrdy.
Buǵan deıin habarlaǵanymyzdaı, osy aptada Shymkent qalalyq ákimdigi sondaı-aq Germanıada kelgen ınvestorlardy qabyldaǵan bolatyn. Bıyl sáýir aıynda oblys ortalyǵynda «Shymkent» ÁKK» Ulttyq Kompanıasy» Aksıonerlik qoǵamy men OQO ákimdiginiń qoldaýymen «Ontustik Invest - 2016» Halyqaralyq Investısıalyq Forýmy ótti.Forým barysynda ótken iskerlik kezdesýlerdiń nátıjesinde OQO terıtorıasynda mashına jasaý, agro-ónerkásiptik keshen, farmasevtıka, tekstıl jáne logıstıka salalary boıynsha birqatar ınvestısıalyq jobalardy júzege asyrý boıynsha jalpy somasy 830 mlrd teńgeni (2 451,5 mlrd. AQSH doll) quraıtyn 41 memorandýmǵa qol qoıyldy. Osy ınvestısıalyq jobalar «Údemeli ındýstrıaldy ınovasıalyq damý», «Bıznestiń jol kartasy 2020» baǵdarlamalaryn júzege asyrýǵa zor serpin beredi degen senim bar. Búginde Ońtústik Qazaqstan oblysy ınvestısıa tartý boıynsha respýblıkada kósh basynda turǵan óńir sanalady.
