Qazaqstanda aýyl sharýashylyǵyna kóp kóńil bólinedi. Sebebi, Qazaqstan jer kólemi jóninen álemde 9 oryn alady. Sondyqtan da, Qazaqstanda aýyl sharýashylyǵyn órkendetýge múmkinshilik mol. Osy maqsatta elimizde «Agrobıznes 2020» baǵdarlamasy iske qosylǵany belgili. Bul baǵdarlama aýyl sharýashylyǵymen aınalysatyndarǵa jaǵdaı jasap, demep otyrady. Osy baǵdarlamanyń aıasynda Túlkibas aýdany, Keltemashat aýylynyń 1,5 myń gektar jerine «Bes jal» óndiristik kooperatıvi «QazAgroqarjydan» jeńildetilgen nesıe alyp, «steklovıdnaıa-24» atty sortty bıdaı eken bolatyn. Endi mine, qazir kooperatıv osydan mol ónim alyp otyr. Túlkibas aýdany Qazaqstandaǵy birden-bir malǵa da, egiske de jaıly shuraıly jer, túgin tartsań maı shyǵatyn qasıeti bar. Jalǵyz bıdaı ǵana emes, maqsary, jońyshqany molynan egý kerek, tek buǵan jerdiń sapasyn joǵaltpaı, kútip ustasa bolǵany, - deıdi «qazaq bıdaıynyń atasy» atanǵan akademık Rahym Orazalıev óndiristik kooperatıv tóraǵasyna. – Biz eń birinshi kezekte bıdaı tuqym sharýashylyǵyn qolǵa alýymyz kerek. Óıtkeni, astyqtan góri tuqymdyq etip, naryqqa shyǵarǵan áldeqaıda paıdalyraq. Máselen, Qazaqstan jyl saıyn 16 mıllıon tonna astyq óndirip jatyr, eldiń ishindegi halyqtyq tutynýǵa sonyń segiz mıllıony jetkilikti, qalǵan segizin eksporttap jatyrmyz. Bolashaqta astyq tuqymyn óńdeıtin, ári tuqym sharýashylyǵyn jolǵa qoıatyn alyp eki zaýyt salynǵaly tur. Bul joba úkimetke usynylady, - dep sózin Rahym Orazalıev sózin qorytyndylady. 

«Bes jal» ÓK de tuqym sharýashylyǵymen aınalysady. Kooperatıv qojaıyny Spabek İńkárulynyń qolynan irgeles jatqan tórt aýdan Saıram, Tólebı, Báıdibek, Túlkibas aýdanynyń ózindegiler arnaıy kelip, bıdaılyq tuqym satyp alady. Byltyr 25 sentner ónim alǵan, bıyl odan ekis ese artyq ónim aldy dese bolady. Naqtyraq aıtqanda, 40 sentner ónimge qol jetkizdi.