Elimizdegi HQKO-larynda "Ashyq úkimet" jobasy aıasynda pılottyq joba iske qosyldy. Oǵan sáıkes QR ASHM agroóndiristik keshenindegi Memlekettik ınspeksıa komıteti aýmaqtyq ınspeksıalarynyń fıtosanıtarıalyq jáne karantındik sertıfıkattardy berýi HQKO-lar arqyly júzege asyrylady. Mamandardyń sózine qaraǵanda, buryn atalǵan qyzmetterdi azamattar QR ASHM agroóndiristik keshenindegi Memlekettik ınspeksıa komıtetiniń aýmaqtyq ınspeksıalarynda ǵana ala alatyn. Endi olardy balamaly negizde memlekettik organ men Halyqqa qyzmet kórsetý ortalyqtary da kórsetedi. Bul rette qyzmetterdi resimdeý úshin HQKO-larǵa dúısenbiden bastap senbige deıin, túski úzilissiz tańǵy saǵat 9.00 mınýttan bastap keshki saǵat 20.00 mınýtqa deıin júginýge bolady. Karantındik jáne fıtosanıtarıalyq sertıfıkattardy alý merzimderi – 3 jáne sáıkesinshe 5 jumys kúnin quraıtyndyǵyn atap ótý kerek. HQKO-da QR aýmaǵynda karantınge jatqyzylǵan ónimdi aýystyrýǵa karantındik sertıfıkat alý úshin ózińizben birge tek qana jeke kýáligińiz bolý kerek. Al karantınge jatqyzylǵan ónimdi Qazaqstan Respýblıkasynan tys jerlerge áketýge fıtosanıtarıalyq sertıfıkatty berý úshin, sondaı-aq ımporter-eldiń ósimdikter karantıni boıynsha ulttyq qyzmetiniń ósimdikter karantıni salasyndaǵy talabyn usyný kerek. Aıta keteıik, eki jaǵdaıda da ótinimdi toltyrý kerek.

  Búginde ońtaılandyrylǵan qyzmet túri Ońtústik Qazaqstan oblysynda da "Ashyq ákimdik" jobasy aıasynda  kórsetilip keledi.  Aıta keteıik, Qazaqstanda 212 qyzmet kórsetetin 267 halyqqa qyzmet kórsetý ortalyǵy jumys isteıdi. 2015 jylǵy 10 aıda QR HQKO-larynda 30 mıllıonnan astam qyzmet usynyldy, olardyń 22 mıllıony – elektrondyq nysanda kórsetilgen.

http://rgmedia.kz/