Ońtústik Qazaqstan oblysy agrarly aımaq ekenin eskere otyryp, aýyl sharýashylyǵynyń damýyna erekshe nazar aýdarylýda. Salany qoldaýǵa jalpy 29 mlrd. teńge baǵyttalyp otyr. Egis kólemin ulǵaıtý, ıesiz jerlerdi ıgerý, zamanaýı tehnologıamen tamshylatyp sýǵarý ádisin keńinen engizý, jylyjaı jáne qarqyndy baý qurylystary, mal basyn asyldandyrý boıynsha jumystar júrgizilýde.

Birinshi jartyjyldyqtyń qorytyndysymen aýyl sharýashylyǵy jalpy ónim kólemi 123 mlrd.teńgeni qurap, 2 paıyzǵa artty. Egis kólemi ótken jyldan 13 myń gektarǵa artyp, 788 myń gektardy qurady. Sýarmaly 466 myń gektar jerdiń 93 paıyzy ıgerilýde (434 myń ga). Aǵymdaǵy jyly dándik júgeriden 108,4 myń tonna, kókónisten 811 myń tonna, baqshadan 1 252 myń tonna, kartoptan 195 myń tonna, masaqty daqyldardan 470 myń tonna ónim jınaldy. Alǵash ret bıdaıdyń ortasha ónimdiligi 22 sentnerdi qurap (2015 j. – 17,8 s/ga), rekordtyq ónim alyndy.

Tamshylatyp sýǵarý ádisi qosymsha 6000 jýyq gektarǵa endirilip, jalpy kólemi 49,7 myń gektarǵa jetti (Respýblıkadaǵy úlesi 73 paıyz).

Jylyjaılar qosymsha 72 gektarǵa salynyp, jalpy 1 098 gektarǵa jetti (Respýblıkadaǵy úlesi 87 paıyz). Osy jylyjaılardan 80 myń tonna kókónis ónimderi jınaldy. Tereń qopsytý tehnologıasy 89 myń gektarǵa engizildi. Jyl basynan fermerlerge «Yrys» qarjylandyrý uıymy arqyly tómengi paıyzben 486 jobany qarjylandyrylýǵa 1,2 mlrd. teńge kóleminde nesıe berildi. «Sybaǵa», «Altyn asyq», «Qulan» baǵdarlamalarymen 35 myńnan asa mal basy satyp alyndy. 4000 astam usaq sharýashylyqtardy biriktiretin 47 kooperatıvter qurylyp, 9 MTS ashyldy.

http://adym.kz/