J.Eralıev aýyl okrýgindegi kókónis ósirýmen aınalysatyn «Nuraraı» jylyjaıyna kelgenimizde qaınaǵan qyzý jumystyń ustinen tústik . Jylyjaıdyń tynys-tirshiligimen dıqan Dáýren Syrlybaevtyń ózi tanystyrdy.

- Buryndary jylda qyzanaq egetin edik. Odan da birshama jaqsy tabys taptyq. Al bıyl bolgar buryshyn egýdi uıǵardyq. Nátıjesi jaman emes. Naýqanda 4-5 tonnaǵa deıin ónim aldyq. Ónimi ár eki kún saıyn teriledi. Bolgar buryshyn erte kóktemde ár kılosyn 750 teńgeden sattyq. Alǵashynda suranys kóp bolǵandyqtan, ónimderimizdi Reseıge jiberip otyrdyq. Al qazir ishki naryqta, Shymkent pen Jetisaı arasynda satylyp jatyr. Bolgar buryshyn egý barysynda edáýir tabys tabýǵa bolatynyn baıqadyq, shyǵyny da az. Jerdiń deńgeıinen tómen ornalasqan bul jylyjaıdyń ereksheligin suraǵanymyzda, «Bul jylyjaı jer deńgeıinen 2 metr tereńdikte jaıǵasqan. Eger dalada 20 gradýs sýyq bolyp, biz osy jerge eki klenka tartsaq, onda munyń ishi 4, 5 gradýstyq jyly temperatýrany kórsetedi. Eger ishine úshinshi klenkany tartsaq, onda taǵy 2 gradýs jylylyq qosylady. Al 6 gradýs jylylyqta oramjapyraq eksek te, shydas beredi. Osylaısha erte kóktemde oramjapyraq kóshetin shyǵaramyz. Basqa jylyjaılar 10 gradýs sýyqtyń ózinde pesh jaǵatyn bolsa, bizde bul temperatýrada pesh jaqpaı-aq ishi jyly bolady. Bul jylyjaıdyń tıimdi jeri sol - qystyń kúni jyly bolady. Biraq bul úlken kólemdegi jylyjaıda tıimsiz. Osyndaı shaǵyn kólemde ǵana osy tásildi qoldanýǵa bolatynyn tájirıbe barysynda ańǵardyq. Osy jylyjaıymyzǵa lımon eksek degen maqsatpen, Ózbekstannan túrli sortty lımon kóshetterin ákelip qoıdyq. Qazir jylyjaıdyń topyraǵyn óńdep, daıyndyq jasap jatyrmyz. Bolashaqta júzim ósirýge den qoıa kirissek degen oıymyz bar. Sebebi osyndaı jylylyǵy joǵary jylyjaıda ósirilgen ónimdónimder basqalarymen salystyrǵanda eki aı buryn pisetinine kózimiz jetti, - deıdi D.Syrlybaev.

Bıbiajar TÁŃİRBERGENOVA, «Maqtaaral» gazetiniń arnaýly tilshisi.